再戰韓國鐵板燒
|
|
chickenandpp
2016-07-30
323
0
|
分享
收藏
因為我好中意韓國菜,所以不知不覺已經變左119既常客, 事無大小都會黎依到食下野,其實都係想食下啲濃味野xd 見佢出左新meau就再次光臨,又係食我好喜愛既鐵板系列。 大約6點到達,個場好少人!相比起之前真係差好遠,不過入夜依然係好多人, 所以愈早食愈好,又吸少啲油煙味,唔洗一邊迫一邊食~ 主要係因為佢meau多左個濟洲黑豚烏賊揪紅燒,因為本人都幾中意食墨魚,所以好想試試佢! 小食都轉左幾款新野,我就揀左比較大眾化同少食到既款式,而chicken就比較想食炸醬麵。 海軍薄餅,薄餅佈滿厚厚既芝士,食起黎有微微拉芝效果,餅底較薄,口腔充滿香濃芝士味。 而海鮮餡料比較集中係中心,有魷魚、蝦仁等等,令薄餅食起上黎更豐富。 濟洲黑豚肉烏賊揪紅燒,到我地既主角出場,鐵板當然需要烤一陣先食, 而面層淋滿泡菜辣醬做調味,烤左一陣香味開始漂散出黎,當然就要搞拌一下均勻味道。 墨魚既份量唔算好多,口感彈牙,墨魚腳味道鮮中帶微辣。 不過黑豚肉則有少少失望,黑豚肉烤熱後依然有陣雪藏過既味道, 感覺食落去感覺唔太新鮮,加上份量偏少,覺得唔太抵食。 溫泉炸醬麵,墨黑色既炸醬麵當然要先搞拌才食,賣相就唔算太討好,但味道唔錯。 口感較稠同軟淋,每啖麵條都充滿濃濃炸醬味,炸醬咸中帶甜,溫泉蛋令口感更滑身, 炸醬當中亦有薯仔粒、牛肉粒等等,炸醬麵較重口味,岩晒重口味人士。 edison square,我地各自嗌左兩杯edison square,味道偏甜,需要不斷搞勻,飲落去都附帶果肉,整體感覺都唔錯。 主打想食濟洲黑豚肉烏賊揪紅燒但反而有小小失望,而另外兩個則頗有驚喜,計番勻喇~
感謝chickenandpp提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
人均
$240.00
商店 | 119 韓國站 (深水埗分店) |