例湯都幾淡，標準水多料少的產物。蒜茸炒芥蘭，正正常常無乜特別，碟頭很細，本來加多點白酒來炒會更香口更有鑊氣，但又唔怪得佢地，屋村細路多，酒味重有機會家長唔太高興。  

香妃雞隻雞都幾細隻，較似鹽水雞多點，味道亦只屬一般入面的肉無乜味，有點過熟所以唔太滑，較似普通燒味檔貨色。  

桂花炒魚肚，所謂桂花，唔好以為真的是桂樹的花，而是將雞蛋炒到成為很乾身很香口的蛋碎，看起來像桂花一樣。這裡的蛋就太濕及大塊，完全唔香口，亦一點都唔似桂花，魚肚很少，加了油炸鬼在裡面但由於雞蛋唔香口所以感覺唔多夾，整碟餸是完全失敗。  

整體味道很一般碟頭亦細，唔多值這個價，屋邨生意有點替它擔心。

感謝 All About Foods 提供以上資料
個人日誌: http://hkgfoods.blogspot.hk/