抱歉,發生點錯誤。
重新載入
歇腳好地方
mjqueen7e
2016-08-30
304
0
分享
收藏


在油蔴地上班的友人相約飯聚,選了離她公司只是十分鐘路程的一間樓上咖啡屋,來到時發現原來店子已經換成了另一家西餐廳《Plato Café & Bistro》,見反正沒吃過,就一於試試!















原來店子是區內另一人氣餐廳《Plato》的新分店,據說 8 月上旬才正式營業,Café 位於精品酒店 Casa Deluxe Hotel 二樓。甫踏進店,見地方雖然唔算好大,以簡約嘅木製桌椅為主,但環境輕鬆 Cozy,尤其是向街的一列落地大玻璃,讓自然光盡入室內,既開揚又清新,令人感覺舒服。















安座後先來研究一吓中午 Lunch Set 有甚麼選擇,除了有是日餐湯、蒜蓉法包及飲品外,午市套餐共有 9 款可揀,包括有泰式沙律、雞扒意大利烘包、蜆肉天使麵、香草肉丸意粉、牛肉奄列飯、德國腸早餐、油浸鯖魚柳、黑豚肉眼扒、安格斯肉眼牛扒,定價由 $48 - $148 不等。至於散點餐牌方面,項目就包括有湯及沙律、漢堡包及意大利烘包、頭盤、主菜、全日早餐及特色美食、意大利粉及意大利飯同埋飲品,價錢雖然無午市套餐咁經濟,但選擇就較豐富。



由於我和友人食量都不大,所以決定放棄套餐,只單點一客主菜,再加兩款小食大家 Share 來吃。先送上桌的蒜蓉牛油炒雜菌 ($48),做法雖然簡單,但廚師控制火候和調味的功夫一流。雜菌食落牛油味道挺香,加上菇汁好豐富、入口芳香撲鼻,非常滋味,令人吃得滿意。

接著是一客水牛城雞翼 ($58),平時食水牛城雞翼都是以酸辣為主,不過這裡的做法就比較特別;雞翼咬下完全唔覺辣,反而味道甜甜酸酸,入口皮香肉滑,加上雞肉好多汁,惹味程度絕不遜於辣雞翼,非常適合不嗜辣者如我。





主菜方面,點了香煎蘇格蘭比目魚扒配松露野菌汁 ($168),魚扒以傳統方法炮製,輕煎後再放到焗爐內烤香,端上桌時見魚扒外層金黃帶點焦色,賣相吸引,立即切開一試。魚皮好脆口,肉質細白鮮嫩又沒有碎骨,食落啖啖肉,無需蘸醬汁吃,已非常滋味。至於伴吃的薯條,水準亦不俗,吃起來既鬆脆又帶薯香,以松露野菌汁伴吃,味道匹配。



飲品方面,友人點了凍焦糖咖啡 ($44),筆者雖然沒試,但據說甜度剛好、入口帶焦糖的甜香。至於我點的黑牛 ($46),由於這天店裡沒朱古力雪糕,所以換成了可樂加雲呢拿雪糕,雖然是有點失望,幸好雪糕夠幼滑香甜,配上冰凍的可樂,亦不失禮!





臨走前,趁機在店內巡了一圈,發現原來餐廳另設有一個獨立房間,地方非常寬敞闊落,約埋班 Friend 包場用作生日 Party、慶功、朋友 Gathering 等,絕對值得考慮!


================================

感謝mjqueen7e提供以上資料

mjqueen7e的網誌: http://www.openrice.com/zh/gourmet/reviews.htm?userid=66478&city=hongkong


================================

~END~
*/ $zopim.livechat.setLanguage('zh_TW'); $zopim.livechat.hideAll(); });