|
柯士甸道地庫餐廳
|
|
mjqueen7e
2016-08-12
357
0
|
分享
收藏
| 之前曾經和友人去過位於山林道的酒吧餐廳《Hillywood》吃午飯，覺得店子地方雖然不大，但環境不俗，靜中帶旺，加上店內菜式做得唔錯，而且還有手工啤酒供應，是上班族放工後的理想聚腳點。近日從網頁得知，餐廳開咗間姊妹店，取名《Café Hillywood》，所以這晚下班後，就決定過來 Hea 吓，順便吃頓晚飯。 新店座落於柯士甸道好兆年行，離山林道嘅《Hillywood》不遠。餐廳位於地庫，門口雖然不大顯眼，不過從大門右手邊的玻璃窗往下望，發現原來餐廳的廚房，可以一覽無遺。沿著樓梯拾級而下，牆身一大幅藍底紅鶴壁畫率先影入眼簾。再往前走，店子地方非常寬敞，裝潢以灰色和白色為主調，而且間隔頗四正，周圍無遮無擋，空間感極大。進門右手邊是開放式廚房，而左手邊就是用餐區，可惜這晚是閒日，沒有 Live Band 表演，否則場內氣氛應該會熱鬧得多。 店員很熱情，招呼我們坐下來，然後遞上餐牌。拿起細看，原來只得三版，而且款式不多，只得七個項目，包括沙律、小食、海鮮、肉類、薄餅、新鮮手造意大利粉和經典意大利粉及意大利飯。至於飲品方面，選擇反而較豐富，有梳打、特飲、奶昔、沙冰、熱飲和咖啡等。 由於近排天氣非常悶熱，決定先以一客沙律作開端打開胃口。店裡嘅沙律，選擇不多，只得 4 款，不過食客就可以因應個人喜好，加配煙三文魚或雞胸肉。選了這客煙三文魚凱撒沙律 ($98)，沙律碟頭頗大，用料十足，面頭的煙三文魚很煞食，既厚身又大片、而且還卷成燦爛的玫瑰花狀，賣相吸引。先叉起煙三文魚一試，入口煙燻味濃，且帶陣陣鹹香；而撒滿了芝士碎的羅馬生菜，亦非常新鮮爽脆，令美味度提升不少，再加上車厘茄和香脆可口的麵包粒，真讓人大快朵頤。 接著點了香燒三色大波特菇 ($98)，啡菇以長木碟盛上，共有三款口味，包括芝士、羅勒醬同番茄醬。其實三款味道都唔錯，雖然每隻個子看起來大小不一，但都幾厚身，食落好 Juicy，尤其是面頭鋪滿芝士的大啡菇，入口菇味芳香馥郁，與烤焗過的芝味好夾。 筆者愛吃香口之物，見餐牌上小食一欄有款齊藤家炸雞 ($88)，八卦一問，原來據說雞件是以 Sake 醃過，感覺特別，決定點來一嘗。炸雞以小鐵桶盛著，做成 Bite Size 大小，賣相趣致。立即叉起一試，雞肉外層炸得香脆，入口仍然保持幼嫩，可惜食落完全感覺唔到有清酒味，幸好雞件炸得既乾身又唔油膩，用來送啤酒最啱 Feel。 意猶未盡，點多個 Pizza 試試，店裡的薄餅口味唔多，只得兩款，包括夏威夷薄餅及我倆揀選的菠菜白汁雞肉芝士薄餅 ($118)。薄餅 Size 不大，放上桌時已分成六件，拉前一看，配料分量不多，尤其是菠菜，下得著實過於吝嗇，而且餅邊亦焗得有點過硬，幸好餅底夠薄，吃起來既煙韌又有咬口，如果可以再多放一些新鮮生菜及車厘茄上面，口味應該會更清新。 是日甜品共有 6 款，除了這款 Banana Chocolate Cake ($48) 之外，餅櫃入面還有 Raspberry Chocolate Cake，Double Chocolate Cake，Lemon Tart，Blueberry Cheese Cake 同 Tiramisu。蛋糕頂頭和外面都被一層厚身的朱古力漿包圍著，而中間就以香蕉忌廉同香蕉蛋糕相間。先叉起外層一試，巧克力味勁濃郁，不過入口完全唔覺得滯膩；再吃一口蛋糕，口腔即時傳來陣陣香蕉的清香，而且又唔太甜，夾著面層的朱古力吃，味道平衡，唯一美中不足就是蛋糕嘅質感唔夠軟熟，有欠鬆軟，令食味稍遜。聽說店裡的手作意粉，口感彈牙，水準不俗，可惜這晚食力有限，還是留待下次再訪。
感謝mjqueen7e提供以上資料 mjqueen7e的網誌: http://www.openrice.com/zh/gourmet/reviews.htm?userid=66478&city=hongkong
|
~END~
人均
$286.00
| 商店 | Cafe hillywood |