抱歉,發生點錯誤。
重新載入
「芝」味誘人
mjqueen7e
2016-06-03
428
0
分享
收藏


早前友人送了盒購自鰂魚涌、一間網上餅店的「鹽漬櫻花慕絲蛋糕」給我,品嘗過後,覺得這裡的蛋糕,不但外表漂亮,而且味道出眾,教人吃得心花怒放。近日獲友人告知,餅店剛推出了一款「芝」味誘人的紐約芝士撻,另加 7 款不同口味的迷你芝士撻,從友人傳來的相片,見這芝士撻系列以一大七小造型為設計,驟眼看彷如中秋的七星伴月,賣相吸睛,反正兒子是 cheese tart 的擁躉,就一於訂一 set 和家人齊齊分享先得!









先講吓作為核心的紐約芝士撻,其實這這個芝士餅 size 唔算好大,只有大約 4 吋的大小,不過捧起來卻相當墜手。至於賣相方面,望落去偏向簡樸,沒有多重的層次感,既平實又唔花巧。切開一試,芝士的質感雖然不算很軟滑,但味道香濃,而且吃起來不會顯得厚重膩口,加上個餅底和圍著個 cheese tart 的餅邊,入口帶著濃濃的牛油香氣,令人吃得非常滿足。









至於核心外圍的 7 款迷你芝士撻,口味就包括有特濃朱古力、菠蘿椰子、黑芝麻、花生 Caramel、綠茶、果醬白朱古力及藍莓。很喜歡這幾個迷你芝士撻,外形夠曬小巧的骰,賣相可愛,絕對是相機先食,放上網吸讚之作。整體來說,其實幾款迷你芝士撻的味道都唔錯,兒子最愛就是特濃朱古力,說淺啡色的餡料切開雖然沒呈流心狀,但吃起來口感幼滑,而且富濃郁的巧克力甜香,美味度令人無法抗拒!



而老公就最愛黑芝麻和藍莓,讚前者面層的芝麻餡料夠香濃,入口好似品嘗緊芝麻糊咁,加上鬆化得來又夠香脆的撻皮,平衡了芝麻給人膩口的感覺,食味不俗。而後者藍莓芝士撻,入口微甜帶酸,食落好 fresh,唔講仲以為自己食緊藍莓芝士雪糕添。





至於筆者,最愛當然就是花生 Caramel,面層古銅色的鏡面焦糖漿,甜度適中,而且花生粒食落都算幾脆口,不過如果可以再灑上少許杏仁碎片,相信食味會更佳。另外綠茶芝士撻,味道都唔錯,除咗撻底夠香脆外,入口帶微甘的綠茶香,與濃郁的芝士簡直是絕配,就算食多幾個都無問題。反而令人有點期待的菠蘿椰子,吃起來菠蘿味略欠突出,幸好入口帶淡淡椰香;而果醬白朱古力就甜而不膩,總算沒浪費 Quota。


================================

感謝mjqueen7e提供以上資料

mjqueen7e的網誌: http://www.openrice.com/zh/gourmet/reviews.htm?userid=66478&city=hongkong


================================

~END~