|
天使＊在味蕾上跳舞
|
|
mohkc
2016-07-08
483
0
|
分享
收藏
城市中的小綠洲，常常留意到呢間DK Cuppa Tea，推出不同tea set造型設計特別，吸引一眾食客歡心，今日係假期，就同親愛的嚟試下影靚相啦。餐廳位於上環，鄰近地鐵站，亦比較寧靜，門面佈置得像花園一樣。 餐廳日常會有二至三款Tea Set，客人可以係訂枱時選擇，我揀咗天使呢款，餐廳除咗食物另外主要售賣香薰，仲有香薰治療等，餐廳嘅Facebook有介紹過，如果着白色或者藍色衫嚟食tea set會有一份小禮物，係店員安排好位置後，先送上熱茶有好菠蘿及椰子的香果味，有兩片曲奇餅天使翅膀，放係茶杯上又幾靚切合主題。 係tea set準備時，有個小遊戲玩，用香薰記住呢一刻，做一個心情寫下你的目標，可以將字條掛喺餐廳，幾有意思。 Tea set好快就送上，用一個淺藍色托盤上面就放齊所有小食，上面還有一個水晶球，有兩位小天使喺裏面，播住音樂一邊食，先介紹熱食，用銀盤載著帶點簡單嘅華麗感。先有香腸酥餅卷，配一瓶裝的番茄汁，還有菠菜、橄欖、燈籠椒、小香腸、吞拿魚及意大利火腿酥餅，都夠飽肚。另外銀盤上有一份冷盤，係一款分子料理創作，用了龍蝦煮成忌廉湯，再將它變凍再打成泡沫，上層也有凍龍蝦肉，配一小片法包就可享用。 隨後介紹淺藍色盤上兩個甜品，分別係閃電泡芙及薰衣草乳酪芝士餅，兩款都有手工精細的小天使裝飾，用了白朱古力製造，外觀精緻，細節位例如面部及翅膀都做得像雕塑一樣，我們坐在她的面前，就像在博物館中，慢慢欣賞。薰衣草乳酪芝士餅香味自然，不會太過分突出，芝士味足夠充斥着口腔。而朱古力閃電泡芙，略嫌可可味未夠，上面的金色翅膀令我覺得最為吸引。 為什麼會有個寶盒？這份Tea set名為［賽姬戀曲］，係有關邱比特及他太太賽姬的戀情，一個寶盒成為他們兩人中一個關鍵，如果想知就到餐廳，店員會細心為你講解故事，在此賣個關子！回到這個寶盒中，裏面有三個甜品，兩份心形天藍色榛子macaroon，加了一對白色天使翅膀，格外富有心思，還有一個藍色的曲奇。最後，一粒朱古力也很特別，原來是老闆到法國旅遊時，買下了一個襟章，回來根據這個天使襟章，倒模製造出獨一無二的朱古力。 DK Cuppa Tea 星期一至日: 12:00-20:00 上環新街市街19號地舖 電話：2386 3588 分店：中環
感謝mohkc提供以上資料 mohkc的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$328.00
| 商店 | DK Cuppa Tea (上環店) |