噴煙冷麵 – The Joomak
|
|
暴食小公主
2016-07-06
597
0
|
分享
收藏
The Joomak一開張既時候就已經黎試過 早排行街經過,見到menu多左好多野食 而且又唔算太多人等位,所以就決定食多次喇 好好彩可以坐到窗邊位 雖然今日出面有架郵輪擋住睇唔到海 不過可以望下景,都係開心既 而家menu唔單止多左好多野 仲有埋set食添,價錢比起單點抵好多 所以我地就唔揀喇,直接叫左呢個 ‘紫菜X溶岩芝士包2人套餐’ $398 套餐 - 海帶湯 可以揀海帶湯或者魚糕湯,因為之後會有好多肉 所以我就揀左個清D既海帶湯 雖然清清地,但飲到昆布同少少肉既味道 唔會淡到好似飲水甘 套餐 – 燒牛肉卷 Gimbap一樣有兩個選擇 唔食牛既朋友就可以點tuna 飯卷包得好實,夾果時餡料唔會跌哂出黎 麻油味唔會過重,加埋紫菜既香味真係好好食 套餐 – 紫菜X溶岩芝士包 除左個芝士包望落好吸引之外,配料都好豐富 包括有炸雞,炸魷魚圈,炸年糕同炸翠肉瓜 炸魷魚圈好有水準,食落完全唔韌 而且個炸漿唔會好厚,好食 炸年糕口感煙韌但就無咩味道 所以用黎點芝士再加kimchi一齊食就最夾 反而炸雞有少少失望,因為個炸漿太厚又硬 唔似食開既韓式炸雞D粉甘薄 加埋芝士同紫菜一齊食會好d 食完哂配料就可以食呢個溶岩芝士包 麵包係joomak特別向出面既麵包店訂製 雖然一般既麵包表面係會比較硬 但呢個包食落去係鬆同脆,加埋d芝士一齊食 真係好食得黎又邪惡 套餐 - 士多啤梨馬格利 (有酒精) 另外套餐仲包兩杯野飲 (真係好抵) 我地叫左夏天新出既士多啤梨馬格利 正係睇個樣都夠哂透心涼 而且佢入面加左少少液態氮 所以上枱果時會有d煙,好靚 店家用左新鮮士多啤梨加埋韓國既馬格利酒 因為果味比較勁所以cover左d大部分酒味 女仔飲都一定無問題 呢d泡泡係新鮮打既水果先會有 果然係真材實料 4C素冷麵 ($68) 冷麵係新菜式,所以就叫左黎試下 首先一讚係個Presentation好靚 同個酒一樣,都係放左d液態氮係個碟底 D煙飄下飄下,未食都已經覺得好爽 夾好配料之後就可以加埋醬同紫菜一齊食 麵條既質感好好,爽口但唔會太硬 雖然d配料並唔係咩特別既食材 但蔬菜本來就有佢地獨特既甜味同口感 所以簡簡單單就已經好好食 整體黎講呢到既食物質素、服務同環境都係中上 比起第一次黎,MENU真係豐富左好多 好欣賞佢地會因應季節而推出唔同既食物 如果你想食新派d既韓國菜,又想坐得舒服 小公主都會推薦你黎呢到
感謝暴食小公主提供以上資料 暴食小公主的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$250.00
商店 | The Joomak |