韓國食材*Tom N Toms Coffee
|
|
暴食小公主
2016-05-11
329
0
|
分享
收藏
香港既韓風都已經持續左一段時間 唔單止好多化妝品品牌進駐左香港 連好多韓國既食店都黎左香港發展 早排見到韓國既連鎖咖啡店TOMS N TOM COFFEE開左係沙田 我地呢d新界人就梗係要出動去試下啦 TOMS N TOM店舖唔算大 坐位都係得10個以內 雖然係咁,裝修都好有心機架 除左盞好sharp既logo燈之外 四圍仲有d好有特色既畫 成個感覺即刻又young又有型 紅蔘拿鐵 $33 (中杯) 見呢到咁得意 竟然係latte入面加左紅蔘,就即管試一試 E,打開點解係白色既???紅蔘唔係紅色架咩? 其實紅蔘只係指有加工過既人蔘 而且Latte係用紅蔘粉而沖成,所以當然係白色唔係紅色啦 飲落會有淡淡既蔘香味,唔會過濃亦都無苦味 加上牛奶既味道好濃郁 兩樣野加埋一齊既效果好好,而且有一種好舒服既感覺 (唔知點解覺得女仔唔方便果幾日飲會好正) 摩卡湯姆冰樂 $36 (中杯) 摩卡味道夠濃 而且朱古力味唔假,夠香醇 D冰都打得夠細,唔錯 蜂蜜奶油吐司 $55 最期待既吐司,正係賣相已經令人流哂口水 上面既奶油好香濃,好重奶味 唔似果d平價cream得個甜味 而吐司既密度好高,唔會有好多氣泡係入面 外面烘到脆卜卜,但入面就好鬆軟好有彈性 加埋d蜜糖甜甜地 一口一件真係好快就食哂 我去食果時係新開張無耐 所以店員都有同我地傾下計 原來店入面既食材差唔多全部都係由韓國入口 以保證食物既質素同韓國店係一樣 雖然而家市面真係好多打住韓國旗號既食店 但真係會用到韓國食材既其實並唔多 所以呢到真好值得一試 希望佢地遲D會開間大D既分店 咁就唔駛等位等得咁辛苦喇
感謝暴食小公主提供以上資料 暴食小公主的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$50.00
商店 | Tom n Toms Coffee |