|
隱藏於屋苑裏的美味越南菜
|
|
yuchiro
2016-06-27
420
0
|
分享
收藏
| 唔講真係唔知有間咁好味嘅越南餐館，是晚來探朋友來到美孚，順道一齊食個飯，一班人連同bb一齊黎到小越南，店員十分好人安排左旁邊沙發坐，雖然得四個人但拍埋左六個位比我地，佢話佢都明有bb需要好多位擺野，真係又細心又有禮貌，十個讚 點菜又朋友拍板，大家都好客氣叫左好多野，一個二人套餐再散點了好幾樣小菜，大家share試下 冬蔭功湯河，越南餐廳的冬蔭功得唔得？絕對得！一上枱香味已經湧埋黎，湯清不油膩，酸辣度適中，濃濃的海鮮味同香葉味，好味到無野好講。河粉彈牙掛湯，配料很多，有大蝦，蜆肉，魷魚，雜菌等十分豐富，滿滿一碗大滿足，一枱人都讚不絕口 生牛肉湯河，黎越南餐廳點可以唔叫招牌名物，呢碗同樣無令人失望。牛肉下得很多，而且用上靚牛肉，牛味濃又有嚼勁，非一般用凍肉舖肥牛沖當的劣貨。湯清晰不混濁，喝得出用了不少心機去熬湯底呢，濃烈的牛骨，蘿蔔味等，仲有冰糖同香葉味，咸甜鮮通通都嚐到，味道好平衡，非常正！ 二人餐的小食要了越南札，肉質鮮甜爽口彈牙，啖啖食好正，大家都搶住食呢。 二人餐還有炒菜一碟，選了馬拉盞炒芥蘭，炒得火候十足好有鑊氣，味道濃烈好惹味，而且不過油，抵讚！ 點了餐廳的招牌小食牛油雞翼，一客有五隻大大隻，雞翼皮香肉滑超正，個皮唔單止有牛油香仲好勁蒜香，脆口又香濃，唔客氣食多隻啦～ 辣椒膏炒青口，呢樣又係味道十分濃，青口肥美鮮甜，芡汁咸咸地辣勁十足，仲有不少九層塔，叫碗白飯撈飯一流。 想吃咖哩又追加了一個咖哩牛腩煲，本想加法包點咖哩醬，但中國人嘛，都係點白飯 咖哩味香滑重椰奶味，入口好creamy，牛腩炆得軟腍入味，用上靚肮腩，肥瘦適中牛味濃郁，除左牛腩仲有牛筋蘿蔔等，一碗份量好多，牛腩幾乎多過咖哩汁，好抵食！ 呢款係友人至愛嘅鮮露煎大蝦，嘩，仲長過手掌！勁大隻蝦呀！！蝦味鮮甜仲好多蝦糕，正到爆。店員特別提供刀叉食㗎，有霸氣！ 叫了兩杯特飲，一杯三色冰，一杯黑糯米椰汁冰，甜度適中椰奶香濃，用的是碎冰，更易攪混食到底的餡，糯米好軟綿好正呀。 另一樣要左熱奶茶，有驚喜！原來越南奶茶咁正嘅 茶香奶滑又夠哂熱，拍得住港式奶茶喎。 成餐飯樣樣都好好味無稀場，食左咁多都唔使五舊，全一免加一抵呀
感謝yuchiro提供以上資料 yuchiro的網誌: http://www.openrice.com/zh/gourmet/reviews.htm?userid=444085&city=hongkong
|
~END~
人均
$150.00
| 商店 | 小越南 |