|
期待已久的飯店
|
|
MonkeyHin
2016-07-12
327
0
|
分享
收藏
一直都好想試呢間食店，但都知佢唔平，唔係個個都會陪我去食，幾個月後既今日終於遇到知音人一起去食個晚餐。雖然係星期一，餐廳都有8成full，算幾好，應該唔會中伏卦？ 首先叫左集錦魚生沙律，雜錦魚生有三文魚粒，章紅魚粒等，沙律菜十分新鮮，雖然只有少量菜，但都有脆口的效果，沙律汁很好味，不是一味老土沙律醬或Olive Oil同黑醋咁，而係柚子汁，令沙律菜同魚生味道提升。 辣吞拿角腩卷物辣吞拿魚並不辣，將吞拿魚腩切碎成蓉，飯有點硬，飯店加點芝麻醬響面，成件事加埋都好清，絕對無比吞拿魚腩的辣味搶左。 津別牛乳蟹肉薯餅呢個薯餅實在太滑了！牛乳與十分蓉的薯仔混合在一起，加上滑如絲的蟹肉絲，真係又鮮又香。脆卜卜的外殼見到佢如湧流一般，只是看已十分吸引，由於同朋友一人一半，所以並不膩，還有唔夠喉的感覺。 明太子茶漬飯茶漬飯又稱茶泡飯，是將茶或湯跟米飯泡在一起，平時我很少叫這道菜的，但見到係明太子就忍唔住叫左。點知黎到得兩片明太子，十分失望，諗住一定勁淡啦...我咁諗就錯啦！個"茶湯"出奇的鮮味！係魚鮮的味道，加上最愛的綠茶(仲要係極濃的綠茶！！)，呢個美味配搭係第一次嚐到的！飯泡了好耐都無過淋或爛的現象，唯一缺點係得兩片明太子，實在太少了！ 梅醬紫蘇雞是全晚我最欣賞的食物，本身不是太迷梅的東西，但紫蘇葉切成碎舖在雞柳串上，再將它平均的搽上，兩者的香味發揮的化學作用，令人回味，令梅味更顯突出。 紅豆年糕一餐飯係完美的，怎能缺少甜品呢？因為咳，未能嚐到呢度這裡的特色雪巴，只能叫熱野..這個年糕太過硬身，未能做到煙韌的效果。與甜甜的紅豆蓉一起吃就無咁單調，但年糕方面就有改善的空間。 店係Open Area為主，唔中意咁開曠既朋友黎食記得request坐入啊！因為我坐嗰時都要留意住自己個袋呀！怕比人搶走！(唔好笑我啊！)
感謝MonkeyHin提供以上資料 MonkeyHin的網誌: http://www.openrice.com/zh/gourmet/reviews.htm?userid=533237&city=hongkong
|
~END~
人均
$355.00
| 商店 | 穴 (沙田店) |