抱歉,發生點錯誤。
重新載入
再遇不死櫻花樹
MonkeyHin
2016-06-14
192
0
分享
收藏

Monkey baby話係時候要Meet Up,叫我諗地方,阿Tom又響中環返工,咁就去我一向覺得又好食又好睇既Naked吧!



再去,見到不死的櫻花樹都會很開心,第一,可以在冷氣房賞夜櫻,第二,唔使夾晒賞櫻期,買好機票酒店去到都未必有,呢家咁欣賞,咪舒舒服服囉。

賞完櫻又係時候點菜了,我咁愛Oyster,當然要點兩隻先開心啦!第一隻有風乾西班牙火腿片響蠔面,而就有豆腐芝士襯底,加埋蠔平時的海水味三種口味幾夾,三種都有唔同的咸味,面的比較單薄而咸香,蠔就係澳洲Rocky Bay蠔,有爽脆口感,底層就Thick同Creamy。







第二隻係泰式的,上面有似迷你版的提子的海葡萄加泰式辣汁,食完又唔覺得好辣,層次感無第一隻咁豐富,有啲似半熟的感覺。愛食蠔的我,不自覺點埋第三款蠔,呢次係炸蠔,講真,呢個菜唔點係我既損失,有睇開我食評既人都知道我係一個死硬明太子超粉,今次有炸蠔放左係明太子上再響上面加片大海膽,三款美食集於一個菜色令三心兩意的人不用點三個菜,一次過有曬三個享受。海膽完全無腥味,大大隻,好厚身,明太子響我想用"溫柔"來形容佢,因為沒有平時的明太子那麼強烈及重口味,襯托著炸蠔同鮮味海膽無咁搶過風頭。







食日本野點都要叫返啲壽司先似樣嫁,呢度又以食物畫畫了,將卷物砌成一幅4D畫,飯內有天婦羅蝦,櫻花蝦,而有帶子同明太子梅花間竹放響壽司面上,帶子整粒上,唔會切粒,食到鮮味,同脆蝦一齊食,上面滑下面脆,加埋惹味燒汁,Yummy!不過都唔夠夾埋明太子咁Yummy!想增添味道?可以加點紅菜頭粉,少少甜,有啲鮮。



成晚我最欣賞既係呢道菜,看似普通的鰻魚飯糰,它的"燒焦"味道超香及均勻,鰻魚份量不少,加上半融芝士,超香濃,唔止鰻魚有咬口,連芝士都有啲煙韌,簡直內外香濃有質感。

呢餐好滿足又傾到好多計,店員服務又好,不時見到枱上食完既碟就收,又會講返上菜既菜名咁,總之全程都感覺良好,令大家食得舒服。


================================

感謝MonkeyHin提供以上資料

MonkeyHin的網誌: http://www.openrice.com/zh/gourmet/reviews.htm?userid=533237&city=hongkong


================================

~END~
人均 $400.00
商店 Naked Gurume Gyarari