|
給你一個 * 細味品嚐的理由
|
|
mohkc
2016-09-26
482
0
|
分享
收藏
一直都想搵到機會去Catalunya食飯，係兩個星期前，係網站睇到餐廳做緊九月特色餐牌，一共10個course，其中5樣要經訂枱先有，約好朋友就即刻book枱啦！ 今日落雨天，入到餐廳店員就幫忙放好雨傘，我就影下環境相，一邊等朋友，餐廳有一部分係酒吧區，可以品嚐多款cocktails，行上幾級樓梯，有多張弧形坐位，可以坐得更親密，又有多張長枱，12位朋友一齊坐都無問題！如果想私隱度高啲，可以book以下偏廳，有木櫃做間隔同裝飾品，有外國大宅嘅感覺。 晚上點起蠟燭，開始我哋嘅燭光晚餐。 Jamon iberico、Pa Amb Tomaquet、Spherical Olives 朋友到齊就開始上菜，第一道由西班牙火腿開始，配搽上番茄醬嘅多士，最啱配一杯紅酒，加上一粒分子料理嘅橄欖，但原材料亦都係橄欖！將橄欖打成汁後做成，放落口，輕輕咬一啖就爆開，好似台式飲品嘅爆珠，十分有趣！ Oyster Mojito蠔身爽口豐滿，加入青檸醬，酸味分外醒胃，最特別係用呢個切割玻璃樽，用鐵鏈鞏固，十分型格！ Strawberry Gazpacho 用士多啤梨做成凍湯，保留一些果肉，清甜可口，帶來清新自然感。 The Perfect Egg 2016 濃淡菜式分先後送上，次序分明，令口味更為得出，濃味嘅黑松露煙燻蛋，會先食到魚子醬，其間有吸收了黑松露的薯蓉忌廉，最下層有煎香的蛋白，口感上並不單調！ Pulp a Feira用玻璃罩著，煙霧彌漫保持神秘，感覺像魔術表演般打開，才讓我看見它，用一個好似相架嘅碟送上，原因係分為兩層，玻璃上面就放有菜餚，玻璃下放沙同貝殼，就營造出沙灘的悠閑，菜式用slow cook方法處理，煙熏味道徘徊口腔，八爪魚中間軟心，外圍爽口彈牙，加上時間控制得恰到好處，帶來與別不同的層次。 Wagyu Tataki with Cherry以下主菜及兩款甜品，亦是這個餐牌才有。牛柳一共四片，切得小巧，三成熟就可保留肉汁，醬汁方面用紅菜頭及櫻桃煮成，燴入牛肉中，一去肉類的油膩，拿得一個平衡。 Iced Tea用錫蘭紅茶做成軟滑啫喱，加上一小球細沙青檸雪葩，甜度剛剛好，這個iced tea絕不單純。 Banana with Coffee and Peanuts Meringue用叉弄開脆餅，花生醬香味隨即飄散，像蘑菇的蓋着柔軟的雪糕及香蕉片，脆餅中加人爆炸糖，有趣有脆！ 最後為我們送上餐飲，跟友人暢敘一番，我選了綠茶，一解飽滿感，用日式鐵茶壺，跟西班牙菜風格中有很大的衝擊，今晚由頭盤到甜品都十分精緻，賣相各有特色賞心悅目，味道各有特色，令用餐過程印象深刻！ 每位消費 $750 Catalunya Hong Kong 星期一至五: 12:00-2:30, 18:00-22:15 酒吧: 12:00-00:00 星期六及日: 12:00-16:00, 18:00-22:45 酒吧: 12:00-00:00 灣仔 愛群道32號愛群商業大廈地下 電話：2866 7900
感謝mohkc提供以上資料 mohkc的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$750.00
| 商店 | Catalunya Hong Kong |