|
西式韓菜
|
|
愛食
2016-10-03
172
0
|
分享
收藏
| 29-9-2016 (Thur)請晏晝假同老公攞護照,先o黎食個晏,去邊o度食?School Food 同地中海菜二選一,老公話School Food.啊. 我o地決定叫個一人套餐,有小食,主菜,飲品同甜品,價錢視乎揀邊款主菜,由$68.00-$88.00等.亦另外叫多一個小食同主菜. 1. 甜薯沙律 果然係一人份量, o係甜薯沙律上加o左生洋蔥絲同紫菜絲, 甜薯沙律口感同味道正正常常冇特別,但撈埋紫菜食,紫菜o既鹹味令佢好食o左. 味道: 4分 2. 是日特飲,香蕉醋 我飲唔到香蕉味,似飲o緊蘋果醋,只覺得佢係解到渴同消滯. 味道: 3分 3. $68.00 o既主菜,卡邦尼年糕 睇見唔知以為好大碟,其實係啲汁多, 圓柱體年糕似長通粉,口感煙韌,偏唔夠腍.卡邦尼汁杰,味道正常,但唔滑,老公話佢o地應該加o左薯泥.而呢個係煮到好熱o既. 味道: 4.7分 4. $82.00o既沙冷希肉 其實係田園沙律加豬手, 呢個有一條辣椒,老公覺得應該唔會好辣,所以叫呢個.豬手o既皮夠腍,但肉就仍有啲硬,而味道,覺得有啲似鹵豬手.醬就係辣辣地,冇乜酸味.雖然唔係好辣,但都足以令我成條脷只有辣味,要係咁食田園沙律,卡邦尼年糕同飲香蕉醋解辣. 田園沙律就正常冇問題. 味道: 2.8分 5. $88.00o既炸蝦滑浪板 呢個好耐至到,原本諗住塊滑浪板係以蛋漿做成o既薄脆片,但原來唔係,竟然係班戟, 食落,蝦o既外表好硬,係麵碎o黎,而蝦….相對地薄弱, 我感覺唔到佢o既存在. 班戟本身味道淡,而且冇乜醬,有啲乾哽o既感覺.而當中o個塊葉唔知要o黎做乜?唔係薄荷葉,但佢又冇味. 上o黎Open Rice search School Food時,原來有篇報導:http://www.openrice.com/zh/hongkong/article/%E3%80%90%E9%A3%B2%E9%A3%9F%E6%BD%AE%E6%B5%81%E3%80%91%E9%9F%93%E9%A2%A8%E3%80%8C%E8%8A%9D%E3%80%8D%E3%80%8C%E8%84%86%E3%80%8D-school-food%E4%B8%89%E9%80%B1%E5%B9%B4%E9%99%90%E5%AE%9A%E8%8F%9C%E5%BC%8F/3457 o個塊係紫蘇葉,老公之前都估係,但唔肯定.而文中提到有蛋黃醬,我食o既時侯唔多覺,老公話有,因為佢曾經將班戟同紫蘇葉分開,見到有少o既蛋黃醬搽o係班戟上. 味道: 0.5分 6. 是日甜品,啫喱 冇講咩味,自己食啦. 我覺得係桃味,老公話似檸檬味.唔通….桃味加啲檸檬汁?呢個口感偏腍,唔夠魚膠粉? 味道: 2分 覺得佢o地將韓菜加落西餐o度,有新鮮感o既.不過硬係覺得卡邦尼汁配年糕o既話,年糕要再腍啲至夾到. 服務: OK o既,不過唔會密密收碟,要叫至收. 而上炸蝦滑浪板後,佢o地俾o左兩對膠手套我o地拎住o黎食,,不過我o地只用一對就夠喇,環保嘛. 老公唔小心倒瀉水,麻煩侍應清理,佢都俾張濕tissue老公. 環境: 幾舒服o既. 抵食:1.73分 其他: 拮住炸蝦滑浪板o既原來唔係牙簽而係竹簽,重要將個尾削剩皮打結, 比用有玻璃紙o既牙簽環保,抵讚.
感謝 愛食 提供以上資料 愛食的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$130.90
| 商店 | School Food (沙田店) |