某天忽然聽見汀蘭居的Anchor’s內的亞拉斯加長腳蟹愛的呼喚我，原來佢話香港天氣十分熱需要返阿拉斯加休養一下，將重任交托中國朋友仔大閘蟹。

餐廳由即日起至11月推出*金秋·嚐蟹*自助餐，更推出以蟹來烹調一系列上海菜式，最緊要係價錢十分優惠，用openrice coupon有7折優惠，兩百多元便可享受一頓三個半鐘頭的Dinner Buffet，真係超級無敵抵食呀*^O^*

切合主題一踏進餐廳便見很多蟹仔在呼喚我們！

到達時還未天黑趁早影咗美麗景緻及燒烤區先^0^

雖然阿拉斯加蟹腳退役了，但係烤海鮮，羊架同埋雜菜和菠蘿等，仍然在祈盼我們的寵幸呢！

凍海鮮區仍然有雪場蟹腳，青口，海蝦同翡翠螺供應，款式沒有減少呀！

呢個窩巴看上去很像脆卜卜的，陣間試下再報告畀大家聽^_^

講到明有上海菜式先來有樟茶鴨。

一貫的頭盤中附有上海菜，如雪菜毛豆，水晶肴肉，以及平時都有嘅韓式粉絲，紅菜頭沙律，藜麥沙律，各式凍肉和仍然在位的還有抹茶冷麵。 

當然仲有我最喜愛的沙律吧，自選多款嘅沙律配料，當然我最愛嘅雅支竹仍舊有供應開心C我喇。

唔鍾意咁多花巧嘢，簡簡單單嘅凱撒沙律都可以自己親手做。

仲有我大愛嘅風乾火腿，大家都應該記得我一定要好朋友菠蘿末配襯啦！好彩今晚都有供應啫！

到熱食區上海菜式分別有籠仔蒸糯米蟹，瑤柱獅子頭，砂鍋雲吞雞，雲腿上湯津白，東坡肉和崧子黃魚。

另外都仲有一啲西式美食，例如白汁海鮮意粉，照燒三文魚，燒鴨胸等美食。

這夜嘅湯品亦都有酸辣湯和薯仔忌廉湯。

超好味的Rotisserie Chicken和Rib Eye

另外連上海包點都有供應呀!如小籠包，鍋貼同生煎包，仲有即煮的擔擔麵呢！

而刺身，壽司款式就唔算特別多，但係咁多嘢食每樣試少少都已經好滿足啦！

輪到甜品環節，這裏的甜品款式不算多但係應有都仲有嘅！

先介紹呢個係焦糖慕絲蛋糕，日式和菓子，焦糖燉蛋，朱古力慕絲蛋糕，紅莓慕絲蛋糕及朱古力mousse。

另外還有蜜桃批，Terimisu同埋藍莓芝士蛋糕。

生果方面又我至愛嘅新鮮菠蘿，哈密瓜同埋西瓜。

喜歡自己我創作的可以整呢個即製嘅Pancake，加上Dreyer's D Collection嘅雪糕同吃更加精彩！

飲品方面有可以自己沖調奶茶,咖啡或者檸茶，檸水都得。

介紹完豐富嘅美食之後，我哋就要開餐喇！一見到呢套架罉就知我哋一陣間要食大閘蟹啦Y(＾_＾)Y

照舊整一碟新鮮嘅蔬菜生果作為頭盤，加上好吃的芝士，風乾火腿配菠蘿以及雅枝竹，真的令我樂透了！

刺身方便沒算太大驚喜，但吃下都係新鮮！

籠仔蒸糯米蟹內裏嘅糯米飯比較煙韌，用來過吓口癮都唔錯嘅！

凍海鮮中仍然最吸引我嘅係雪場蟹腳，依舊多汁鮮甜好好味呀，其以海蝦亦爽彈帶鮮。

上海點心小籠包，我哋四人好友直接一籠取回來分吃。

小籠包外皮比較厚，而且頭頂摺位還未熟透，但係內裏嘅肉球尚算鮮味肉滑的！

反而鍋貼我比較喜歡，鍋貼底煎得脆脆的，內裏嘅肉餡亦都味道不俗，水晶肴肉更是水準之作，紮實得來有鮮香的味道。

而東坡肉雖然未係好像正宗上海菜的味道，但係亦都炆得鬆化入口軟滑，我都十分喜歡它。

呢度嘅燒雞大家必定要試，車媽媽極力推介，雞肉醃待入味非常，而且十分嫩滑勁好味啊～

再吃一點燒烤的美食當然最愛係燒菠蘿啦嘻嘻！

到今晚嘅主角大閘蟹出場喇，餐廳選用太湖大閘蟹大約三至四兩重啦！

都係個句啦今年大閘蟹係成熟得比較遲，但係我今晚呢一隻大閘蟹膏亦都算不錯了。

再嘆埋上海熱葷先，砂鍋雲吞雞味道都算不錯，雞肉都幾滑溜而且餛飩都算皮薄餡靚，上湯火腿津白亦都好淋而且富火腿香氣，而崧子黃魚質素亦都不俗吃得出魚皮都幾香脆，加上酸甜恰好嘅醬汁我都幾鍾意呀！

但係咁多人之中我最鍾意係呢一個窩巴喎！出奇地十分香脆加上酸甜汁吃十分之開胃，味道極像我小時候吃的暴暴飯焦呢，而兩湯中我比較喜歡薯仔忌廉湯囉！

另外再吃多少少惹味的雪菜毛豆，同埋涼拌粉絲加多件水晶肴肉，就好快伕地進入我的甜品世界喇！

先吃點美味清甜嘅生果，唔使問阿貴都知我最鍾意菠蘿啦！

跟住我揀左朱古力慕絲，同埋朱古力火鍋，再encore多幾件菠蘿，真的心滿意足了！

好友的甜品我試了少許，當中圓型那件焦糖慕生系蛋糕最為出色，又香又滑幾好味㗎^_^

雪糕總要吃的須然不太喜歡Dreyer's D Collection 唯獨這樣才感完滿呢！