鬼同你high tea^(。﹏。)^ 2016 Halloween Tea Set!
|
|
chickenandpp
2016-10-21
193
0
|
分享
收藏
又係一年一度扮鬼扮馬既節日! 成日見到You Tube有好多唔同種類既Halloween化妝片, 自己都好想化埋一份!不過先唔講「扮野」, 襯住節日點可以唔食啲節日限定既食物呢? Halloween既糖果對我黎講已經唔夠,中意high tea既大家有福喇! 估唔到Halloween都會出tea set,今個萬聖節一於同哇鬼們一齊high tea~ 其實依間DK Cuppa Tea既tea set已經出晒名精緻同好食!今次都係第一次黎食tea, 不過勢估唔到會出Halloween Tea Set,入到去已經見到唔少既恐怖擺設, 店員已經化晒妝,睇黎今次要留係到走唔甩喇@0@ 成個充滿鬼怪成份,件件都睇得又食得,而且仲有Tea Set必備既macaroon~ 外形仲要係南瓜臉同蜘蛛!趣怪可愛~ 首先黎個南瓜湯配大蝦,小小既酒杯份量已經夠晒入味, 大蝦肉質好彈牙,味道頗甜,而南瓜湯個質感較澀,南瓜味好濃,香甜醒胃。 然後店員就行埋黎問我地「trick or treat」,緊係即刻醒粒糖比佢, 但佢又叫我打開睇下咩黎,我毫無心理準備下打開,哇!(真係叫左出黎) 原來糖果入面並唔係糖咁簡單,原來係芝士丸、魚腐丸等等,真係好驚喜~ 再黎就係迷迭香牛角包配煙三文魚,佢個牛角包可以話係我食過最好食既牛角包! 牛角包源先法國,就算齋食都完全唔dry,外層微脆而內裡鬆軟,迷迭香佈滿成個口腔, 非常香口同鬆軟!食上去唔會跌麵包碎。中間既切口位可以夾煙三文魚,不過我覺得就咁食更好味~ Halloween tea set緊係唔少得血淋淋眼球既特別裝飾, 但依個都可以食得嫁@_@外形做得好細緻,但其實係粒黑朱古力, 而眼球下面就係朱古力鬆餅,眼球甘甜回香,而鬆餅味道中規中矩。 然後就黎自掘墳墓!?呀!唔係,係盜墓xd 盜墓牛肉批份量驚人,兩人share都好飽肚,而且味道好出色。 依個墳墓仲可以加上茄汁,提高tea set既驚嚇程度,血呀!!! 批既外層較硬,但掘出黎既餡料真係一級棒! 牛肉餡料非常豐富,真材實料唔會只得幾舊,而牛肉濃澀香口, 係牛柳而非牛肉粒,而且批內既醬汁非常入味,成個批既夾又好食。 萬成節緊係唔少得充滿邪惡笑容既南瓜,呢粒南瓜其實係白松露朱古力, 朱古力甜而不膩,帶淡淡既白松露香。而底下仲有粒芝麻黑糖麻糬, 口感好煙韌,芝麻味濃郁,食落去比較濟。 法式燉蛋上面點解有枝籤既呢? 原來依個Tea set仲有一個求籤小遊戲,當我求到一個號碼就對應番籤既內容, 結合埋精油既功效黎解籤,不過見到枝籤係上面,都會諗究竟食唔食得既呢? 哇!店員係我面前表演一個火化儀式,將枝籤燒溶之後,原來真身係焦糖。 法式燉蛋+焦糖,咁先係一對,真係估都估佢唔到XDD 而味道方面亦都唔錯,燉蛋質感幾滑溜,焦糖令燉蛋既味道更香口。 最後就係tea set特配既蝶豆花,天使翼既玻璃杯顯得今次逃離DK Cuppa Tea仲有一絲希望, 飲上去冇咩特別既味道,感覺奇怪。 之後店員叫我加上依枝特製枝筒形飲品,杯蝶豆花開始進行化學作用! 由原來黑實實既顏色變左紫紅色!(吳若希mode)點解咁既?點解既? 想知就自己去體驗下喇XD 今次high Tea可以話係我食過最有特色最應節同最好味而且最飽既tea set呀~~~ 而且一邊食tea一邊同哇鬼們互動,真係夠晒節日氣氛~
感謝chickenandpp提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
人均
$298.00
商店 |