抱歉,發生點錯誤。
重新載入
型男靚女不明白
技巧樹熊
2016-11-12
398
0
分享
收藏
有時,吃東西的癮話來就來,唔係你話唔食就可以唔食。

那天看到銅鑼灣新開的那個重慶火鍋店,心裡十萬過想去,但唔係你話搵到人就搵到人同你去,那天有點涼想找過人一起吃,可惜就如錢一樣唔係你要就有。

一個人如果去呢啲大火鍋店吃飯,會不會未必叫到野食,於是膽粗粗打去換來全院滿座的回覆。

那麼算吧,不如看看有什麼地方可以吃火鍋,竟然我找到同樣一間又係食重慶火鍋的地方,二話不說訂過位,電話聽筒傳來說一個人無問題,放了工便立刻去止一下心癮。

我來到了佐敦的二家姐正宗重慶麻辣火鍋。



一個人最難吃火鍋不是叫野食,而是別人的白眼,我不用五分鐘便選定了吃什麼,一個菜一個肉一個海鮮一個烏冬,簡單過兩個人叫菜,不過在場枱枱都是一大班朋友,幾個男女,幾個女,幾個男,我感覺都冇咁差,直到一對型男靚女入到來,我才覺到有點奇奇怪怪。

當然唔好理佢地,講番食物先重要,我自己叫了重慶麻辣鍋,最經典的那種,一上鍋底,那些香料辣椒一鍋血紅的叫想吃辣喜歡吃辣的你,不能自拔,不過如果你未必吃到好辣,這裡也有鴛鴦鍋,那個清湯應該可以從辣辣的深淵將你救出來。

這裡也可以選辣度,小辣中辣大辣,任你選擇,我自己選了小辣。







這裡的牛肉有很多選擇,而且價錢也算平,比平時的平兩成,本身很想叫那些什麼胸爽,牛舌,骨髓,連牛鞭也有,我一個人當然不用這麼補,於是叫了碟秘製的鮮牛肉,八十八,經濟又實惠,牛肉是那新鮮的,和平時肥牛部位不同,當然,這裡吃到的是勁濃的牛味,而且那很raw的味道,就如那些流行曲的unplugged ,如demo的無修飾,是最原始的牛肉的美。





我最喜歡吃菜,當然會叫,生菜吸收辣的程度一流,如果你想吃菜的鮮,記得叫鴛鴦湯,我今晚就不能夠享受菜的原味了。





吃到一半,就有一對型男靚女入來坐我隔離,說真,河水不犯井水,我又唔係昅你條女,佢兩個都報以奇怪目光。

“你老味,你未見過人一個人打邊爐咩,望乜。”我心諗。

那時候,阿姐見我無聊,過來和我閒聊幾句,放心,不是祼聊,可能她怕我尷尬吧,她說今晚蟶子好靚,不如整條,我最喜歡吃蟶子,於是點了它。





我從來都唔相信推薦,因為人人都話食肆推薦係推薦那些去不到貨又唔新鮮的東西,就是隔離那疑似靚仔拒絕阿姐邀請,於是我打對台,叫了一隻蟶子,誰知,那隻蘇格蘭蟶子價錢四十多,但質素是非常佳,又大隻又洗得乾淨由上到下到可以用肥美形容,輕輕一灼三十秒,那蟶子好食到不得了。

心諗,靚仔溝女都咁孤寒,錯失靚貨,型男又如何。

點知型男突然說:哎呀,我等左食呢餐飯好耐啦。

(我心想:係拖友唔會等食好耐掛)

靚女說:我都係呀,你同女朋友呢排點呀。

型男說:冇乜特別,你呢,呢排又點呀。

(我小你老闆,快撚啲入正題啦)

靚女說:我啱啱拍左幾日拖,都未知啱唔啱。

(我聽到呢到,真係越聽越好笑,男有女朋友,女又有男朋友,又好期待食呢餐飯,又唔知拍左幾日拖男友點,咁你拍乜撚野,我又諗如果個個型男女朋友聽到自己男朋友好期待同第二條女食飯有乜反應)

那刻,我吃著那個讚岐烏冬,幸好那煙韌叫我多點時間想想他們的關係,而且那辣味令我清醒叫我明白,我知道佢地點解白眼我,因為佢地都係葉念琛電影的主角,佢地嘅三角四角甚至十角關係,當然不明白毒撚一個打邊爐的詩意,那刻,我為了所有的高登單身人擔心,就是這些型男靚女搞亂生態,單身的才續做毒撚。





我飲口嘉多寶,抽一口涼氣,明白為什麼型男靚女不明白,如果我是毒撚,我會吃一口飯後煙,搭上深圳直通車,絕塵而去,找我的真愛,畢竟,大陸佳麗真心愛我的錢,那交易不會給我綠帽,縱使那是幾天的關係。






二家姐正宗原味麻辣火鍋

佐敦文英街16號地下


================================

感謝技巧樹熊提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong


================================

~END~
人均 $349.00
商店