冬至買了點食材在家玩 Bruno Cooking

簡簡單的燒飯團和烤肉，但就是無食到應節的 .... 雞

咁這晚就食個雞煲補番數 ... 又比到借口我偷懶唔煮飯 ~ ~

一坐下就點了個大的爺爺招牌雞煲

可揀大辣、中辣、小辣或走辣 ... 我們有小朋友當然就點了走辣

其實雞煲有少少辣至好味，所以好貼心的附雞煲送上辣醬一碗

這碗秘製辣醬有很多配料，食落去又麻又辣，加了少少在碗中拌雞件食，真是好味好多的

雞肉又嫩又滑，吸收了香濃又惹味的醬汁好好食

食的時候記住唔好開咁大火，KEEP 住個細火就得

開太大火煮到雞件老哂就唔好食喇 !!!

清了大半煲雞就可以食炸響鈴，即炸的響鈴上枱時熱烘烘

放入雞煲醬汁內涮一陣就食得，吸滿雞煲精華的響鈴裡面仲鬆脆，一人一件很快就食光了

差不多食完鍋內的雞件就可以加湯，準備打邊爐

我們幾個牛魔王當然先食牛肉

手切肥牛雪花分佈平均，不太肥之餘，仲有濃濃的牛肉香

而我和儍爸就鍾意這兒肥美的鵝腸

涮完不會縮到唔見了，鵝腸入口鮮嫩爽脆，有少少脂肪食落去甘香油潤但不油膩

當然要食點蔬菜平衡一下，這晚點了儍爸至愛的油麥菜

原來爺爺雞煲皇觀塘瑞和街也有店，觀塘方便我班為食朋友喎 !

下次一於約埋他們再嚟食過 ~ ~

爺爺雞煲皇

香港 九龍 新蒲崗 衍慶街 23 號 衍慶大廈地下 12 號舖

 ** 以上分享是以我的口味、喜好和情況作出分享及感受，一試 / 合用與否請自行決定