年初六係車爸爸假期的第二天，辛苦了一整年雞年第一次外食我倆選了Shine作午餐之地。

估不到西餐廳內也有不少賀年裝飾而且又唔會格格不入喎！

其實遠道而來想食嘅係佢哋嘅Lunch Chef Special伏特加忌廉龍蝦扭紋粉， 而不好意粉的車爸爸便選了松露油甘魚柳意大利飯。

每個Lunch Set都會配有餐湯一客，今天的是日餐湯係雜菌忌廉湯, 內裏充滿粒粒雜菌說口感奇佳，而且忌廉唔會太過濃，喝下整碗也不覺膩呢。

先上枱係我期待的{伏特加忌廉龍蝦扭紋粉}$148，這個意粉賣相唔會好花巧，不知味道也是否紮實不花巧呢？

看見內裏真的充滿不少龍蝦肉，用料就十分豐盛，而且仲有我最愛的扭紋粉，淨看上去已經令我垂涎欲滴了！

先品嚐龍蝦質素十分不俗，龍蝦肉質不會過韌而且帶鮮甜，而扭紋粉咬口十分充足很合我意啊，味道方面入口會帶少許酒香，吃下滑溜的忌廉汁香氣迫人，而另一亮點係佢內裏有不少蕃茄乾將成件事清新化了不少，我真的十分喜歡這意粉。

而車爸爸的{松露油甘魚柳意大利飯}$148， 分量也認真不少喔！

意大利飯富米骨是我喜歡的類型，這個飯入口會較為濃稠，所以亦都比較漏，油甘魚柳吃得出那份魚油鮮香味，所以車爸爸也都全數清碟了。

而飲品方面我選了Honey & Apple Soda$52，配午餐只需加$15便可享用。

梳打內有十分多的青蘋果片，還有薄荷葉配襯，微甜的蜜糖香氣喝下味道 非常清爽，如果梳打汽再豐盛多點，整體會更加好味道！

車爸爸就選了Milk Chocolate$40，同樣哋午餐配選加$15，姑勿論朱古力味如何，淨看賣相已令人心花怒放啦！色彩繽紛加上一粒棉花糖香甜嘅感覺盡現眼前，其實喝下亦都富朱古力香氣，不過我就略嫌甜了少許呢！