抱歉,發生點錯誤。
重新載入
開心羅家聚
戀吃車媽媽
2017-02-06
301
2
分享
收藏

大年初六車爸爸第二天假期相約了細佬一家和大嫂到韓牛韓式燒烤吃開年飯,佢哋個個都喜歡食牛肉?相信這安排他們必定喜歡。


一到埗見到門口這兩個可愛的紙牌公仔即時加分呢!

正式農曆新年期間大大盤大吉?放在門口好搶眼又夠意頭呢。

呢度嘅晚市放題星期一至四$198/位,中度價位不知質素如果呢?

咁睇下會有啲乜嘢食啦!首先係前菜區足足有12款選擇,泡菜,醃蘿蔔同埋其他醃菜都應有盡有,而旁邊還有一些即炒熱辣辣的新鮮蔬菜㖭。

呢個係泡菜煎餅記得上次喺首首食過真係好好味㗎,這兒的質素就可以啦!

另外炸物方面有春卷,薯餅及炸薯條等邪惡食物?。


韓國菜當然唔少得韓式炒粉絲,另外仲有韓式炆牛肋骨同埋豬腳薑。



而湯方面當然有呢個韓菜必備的人蔘雞湯,另外特別的就有呢個海帶湯喇。


這兒都會有凍海鮮供應㗎,例如青口,大蝦以及東風螺和凍蟹等,另外仲會不停推出三文魚刺身呢。

仲有小朋友最愛的壽司供應呢。

沙律區方面選擇唔算太多,而且冇沙律菜供應,呢樣就爭咗少少喇!

喺凍櫃入面放滿各式各樣嘅肉類,蔬菜生料供客人自己選擇喜歡的食物,就可以攞入去為開爐燒來食喇。


最後睇下甜品有咩食先,見到有杯裝雪糕?,還有韓國雪條。

原桶豆腐花車媽媽極度推介,大家要食呀真係好好味㗎?。

連朱古力噴泉都有真係估佢唔到喎?⛲!

呢個咁靚的鳥籠放了爆漿麻糬,煙煙韌韌都幾好食㗎。

仲有大人細路都鍾意玩和吃的棉花糖機,我都有玩呀可惜失敗咗了嘻嘻!

還有甜品櫃內小巧的式的杯裝甜品,同埋新鮮生果供應??。

飲品櫃方面有紙包,罐裝果汁,汽水和啤酒,樣樣都有齊,自己鍾意飲乜就自己攞喇咪客氣喔。




 介紹完食物就開始我們美食之旅啦!

自組泡菜拼盤內有我最喜歡的泡菜,味道都好唔錯,不過我略嫌唔夠辣勁,而酸辣鳳爪就好出色了,夠辣又夠香而且好爽口,醃酸蘿蔔絲酸甜適中,亦都好合我口味。

大家唔好忘記食呢度D炒菜呀?!佢哋炒得好好味㗎,而且全都嫩綠又新鮮呢。

凍海鮮的大蝦?都好新鮮而且肉質實淨,東風螺?夠煙韌好彈牙富有鮮味很不錯。

凍蟹亦都係出色之物,肉質一梳梳的頗紮實,而且味道好鮮甜,仲要係我最愛的紅花蟹呢。

韓式粉絲呢度炒得真係好唔錯,唔會黏埋一舊舊又夠爽身,而味道亦都香香的十分之可口。

這款節瓜煮沙白蜆好鮮甜,不過有少少沙所以吃下冇咁舒服。

另外呢個椒鹽瀨尿蝦又係推介之選,隻隻都好新鮮而且係我喜歡吃細細隻的哪款,味道又鮮甜,只係要用點功夫剝殼食囉!


同埋呢度嘅薯餅炸得幾唔錯㗎,唔油膩之餘又熱辣辣,必定好食啦。


前菜確係好美味,最後都係要添多一碟先至夠滿足呢。

食完美味熟食和前菜後到燒烤時間了,攞咗D豬柳肉?,牛仔骨?,同埋多春魚?作為第一輪的美食。

燒多春魚技巧要十分之高,連我呢個老手都失敗了!燒到散晒哈哈?!!

第二輪就燒海鮮如魷魚鬚?,墨魚仔,另外雞翼?,雞腎都係唔錯既選擇嚟㗎!

呢件豬柳肉燒熟之後很香口,肉質軟熟又有質感絕唔會霉淋的好好味呢。

吃了那麼多肉當然要食番D新鮮蔬菜菇菌來平衡下啦!咁多樣最鍾意就係燒金菇菜加少少辣椒粉,惹味得呢多點層次口感超正。


魷魚鬚,墨魚仔,及雞腎味道好唔錯,其實雞翼都好好味㗎,不過胡椒味太重我就唔係幾鍾意呢!

你睇下叔仔一家有多喜歡食牛肉!係成個鍋咁樣炒來吃的haha?~

食飽飽後當然要食返啲甜品慰藉一吓甜胃啦!攞咗幾款同車爸爸一齊分享,當中爆漿麻糬及芒果糯米飯都幾美味喔!

但都唔及豆腐花咁嫩滑香甜,而且很有豆味,大家如來記住要食呀?!

難得過年一聚當然要影返張大合照,可惜叔仔臨時被召回工作,所以欠了他!車爸爸的姪女當年睇住佢出世的小BB如今都已19歲了,真係想唔認老都唔得呀!

我哋三妯娌感情好唔錯㗎!話曬大家曾經都住埋一段時間嘛!好期待下次再聚呢?。

~END~
商店 韓牛韓式燒烤
EEChan2017-02-06 20:59:36
+ 追隨
舉報
食物種類好多喎,幾抵食
一家人相處融恰最幸福
回覆
戀吃車媽媽2017-02-07 12:34:18
+ 追隨
舉報
快樂家庭最無價!
原文由EEChan於2017-02-06 20:59:36發表
食物種類好多喎,幾抵食
一家人相處融恰最幸福
回覆