古語有云得一知己死而無憾，如今人大了終於明白什麼是朋友，開竅之後好慶幸身邊出現很多好Sweet?的人，我覺得死十次都冇憾了！這夜便跟其中幾位老死｛幾條冷食番餐｝成員到北正宗跟Candy預慶祝她的生辰?。

正因為這樣便造就了我們一家三口?去了整日街街，首先下午算車車?回診所覆診，今次有好消息喔車車的尿素終於降返低了一半，已經不再到危險的情況，聽到這個消息後這天心情真係大好呀?。

覆完診大家都好開心咁搭車往新蒲崗，到達時間尚早就帶咗車車去新蒲崗唯一可以入的Mikik商場行一圈。

睇下個傻豬幾開心?只要擺低$300按金便可租借手推車(交車退回)，每架車內裏都會有乾淨新尿墊感覺挺衛生。

傻仔除咗開心亦都一臉茫然，同牆上的？相映成趣好可愛呢！

其實商場真的沒甚麼可行，不過可以同車車入去留番一個紀念對我嚟講都係意義重大家的，行咗大約半小時我哋就預備過對面的北正宗吃晚飯啦！

先要讚賞車車?這夜十分乖巧沒有吠叫，只係耐唔耐有點不耐煩只要帶佢出去行一個圈返嚟便可以，車車真係越老越乖好抵錫?好畀面爸爸媽媽呢。

今次嘅菜單就辛苦清麗村姑跟店方安排了十分多很滋味的餸菜給我們，甫坐下便可以吃不用費神點菜真係錫曬佢?，先上場的是{鮮蝦豬腩肉蓮藕心沙律}。

超大碟的沙律我們六個人分享都需要點時間才能殲滅，內裏有很多爽脆的生菜?，青瓜，車厘茄?另外最特別係蓮藕心，外表像香茅吃下酸香爽脆，而鮮蝦亦爽彈新鮮，豬腩肉做得爽口不肥膩真的十分開胃好吃。

接下來這個是{香茅魚露浸胭脂蚌}，胭脂蚌煙韌鮮甜熟度恰好，配上香茅的味道更加突出，吃完胭脂蚌後那個湯都不容忽視喔！喝一口那鮮味湧上 頭顱十分震撼，哈哈這一刻想起甜魔媽媽了！

驚喜一浪接一浪接下來這個{脆炸蟹肉香葉肉碎米紙球}，看外型完全顛覆越南菜的框框 。

用上球形身軀呈現給客人，香脆的米纸內包滿蟹肉及鬆化肉碎，炸至熱烘烘又香脆真係好引人入勝，店家更聰明地伴上酸菜同上，怕膩的朋友可加上同吃又是另一番味道。

這一鍋是{香辣鮮椰肉椰汁煮海螺}?，坦白講辣味就好不太明顯，但那個椰汁則香到不得了，還有片片清甜的椰肉在內，令我們即時要叫白飯?呢！

{北越家鄉白灼豬肚}我都知道越南那邊都喜歡吃內臟，估唔到亦都做得唔比中國人差，只係簡單白灼配上大量爽口芽菜，金不換已很好吃，但係竟點絕對係那一個 汁，原來係用上越南來貨的金桔做成，怪不得知那個香味零舍特别，有别於普通金桔的香味。

全晚最邪惡又最誘人莫過於係以下兩款菜式，其中一個{家鄉椰青炆五花腩}?， 再次要令大家叫白飯的五花腩炆得鬆化可口，肥瘦相間的鬆化腩肉吃去好味得腳也軟下來，味道香得來不會太過濃烈，或許這便是椰青的功力，車爸爸極度欣賞而我更忍唔了啪了整碗白飯呢！

另一個極討人歡心的菜式便是{街頭燒鵪鶉}?這個鵪鶉真係不得了！味道香香甜甜的，但係鵪鶉肉做得非常出色，柔軟細緻可口萬分，本來我哋只係叫咗兩隻，最終再也忍不住要Encore多一隻才能解饞啊~

{河內刁草龍躉魚塊}?咁多個菜當中這一味我自己就未算太喜歡，因為龍躉肉切得太大塊，入口感覺有點粗糙，如果可以細件點其實加埋香蔥同刁草一齊食都未嘗不是一個好味的菜！

接下來這個超矜貴的{椰青蒸膏蟹}?，看那隻膏蟹多麼巨型內裏的蟹膏多到頂角真的十分心心眼?，不過車媽媽都係不敢多吃蟹膏，還是乖乖吃蟹肉吧！一梳梳鮮味紮實蟹肉一口咬落去真的令人十分滿足，蟹痴的我吃得十分愜意，但令我最為欣賞反而係佢個椰青湯，蟹的鮮味完全融入湯內，我足足喝了兩碗才滿足呢！

雖然真係食得好滿足！但係聽清麗村姑評價這兒嘅粉麵亦好出色，持著人多勢眾叫一碗分享都唔過份吖！湯底用上豬骨?和雞?來淆製，味道好鮮香但又不俗套，鴨肉比較富彈性口感煙韌整體嘅質素也不俗。

最後當然要開心大合照啦！難得仲有車車?喺度添！祝Candy生日快樂，青春美麗，身體健康，生活愉快！