|
日本中部、北陸白川鄉五天遊(第三日）
|
|
白果魚神
2017-03-23
383
0
|
分享
收藏
| 23-3-2017 (第三日) 今日嘅行程係去遊覽日本三大名園之一嘅「兼六園」，體會當地文化「江町市場」，逛逛「東茶屋街」感受江户時代風格木造建築。 07:00起床，梳洗好就落餐廳食早餐。 食飽飽喺酒店內四圍行吓。 酒店外嘅街景。 夠鐘上車出發。 今日第一個旅遊景點係遊覽「東茶屋街」，感受江户時代風格木造建築，體驗藝技風情，試吓食金箔冰淇淋。 金箔冰淇淋，盛惠850丹一杯。 江户時代風格木造建築，特色小店。 金箔工藝售賣店。 日本神社。 燕子窩，因天氣仲係凍，燕子喺南方仲未番黎。 江户時代風格木造建築，特色小店。 我地同兩個靚女影番張合照先。 離開「東茶屋街」上車往日本三大名園之一嘅「兼六園」。 唔講咁多，入去逛吓先。 湖水波平如鏡。 桃紅梨白。 充滿日本風情嘅亭園。 古木參天。 到此一遊。 行番出門口影吓相先。 我地又比穿上和服嘅美少女捉住影相。 離開「兼六園」由呢度斜路行番落去集合點。 等齊人就離開「兼六園」，上車往「近江町市場」。 呢個近江町市場裏面有各式日本料理、海鮮剌身、壽司、海鮮丼店、各式土產棵子，應有盡有。 我最中意行嘅海鮮檔。 今餐又係食自己，大人就買咗Ｄ魚生壽司。 揾個靚位坐低慢慢嘆喇。 整多幾串串燒食吓，深色果串係燒魚肝，非常正。 兩之公食得大滿足。 食飽飽再逛吓買Ｄ當地手信。 蟹就睇吓就算囉。 海鮮丼店排長龍，好彩之前冇去排，如果唔係排到夠鐘都冇得食。 見未夠鐘集合就去行吓街先。 黎日本逛藥房就唔少得。 行吓百貨商場。 夠鐘就到集合地點，上車往今次旅遊嘅重點行程「白川鄉合掌村」。 「白川鄉合掌村」位於北陸山地中，海拔都有2000多米，要經過好多好多條穿山隧道， 氣温喺零度以下，形成好靚嘅雪景。 行車途中到咗服務區，我地就落車小休，順便去埋廁所。 路邊Ｄ雪堆到好似座山咁。 經兩個鐘嘅車程就到咗「飛驒」喇，首先番酒店先，今晚入住嘅酒店係瞓榻榻米。 洗個面就落酒店餐廳食晚餐。 今餐係食「飛驒(音駝)牛會席料理」。 仲有其他地道食物。 三文魚刺身 呢個蒸水蛋用黎撈飯，正！ 嚓喇喂～ 食飽飽走去酒店後面滑雪場玩吓雪先。 呢間酒店都有温泉架，不過都係要剝光豬黎浸，所以冇浸到，喺酒店後面滑雪場玩咗一陣就番房，冲個靚涼，嘆番杯靚奶茶，上陣網就覺覺豬喇！ 聽日就精彩囉，去遊覽到日本嘅旅客必訪一次嘅童話村落「白川鄉合掌村」，閒逛高山市老街。 感謝 白果魚神 提供以上資料 白果魚神的網誌: http://a991952.blogspot.hk/ |
~END~
| 商店 |