當卸妝變成享受@dermalogica
|
|
Yandy
2017-12-09
647
0
|
分享
收藏
因為要遮蓋白白既關係,我近來幾乎每日都全妝出門。 有返咁上下強力既遮瑕,就要有返咁上下潔力,所以我最近轉用左新既卸妝產品。 水嫩潔容乳霜 PreCleanse Balm ($448/ 90ml) 上年起愛上左霜狀既潔面產品,呢隻仲係唧唧裝,更方便衛生,仲有個潔面指套,非常貼心。 平時霜狀既潔面產品,通常係一罐罐,呢個唧出黎勁方便。 加埋呢個潔面指套,一邊係幼顆粒,一邊大粒,套落隻手到落妝。 就咁睇好似唔多舒服,但真正洗既時候好似做緊按摩咁。 我會將乳霜先搽上面,再戴潔面指套,慢慢將乳霜推開。 顆粒係面上按摩既感覺幾舒服,獨特既活性水分配方會轉化做油狀,化妝品都跟住慢慢溶左出黎。 一D細緻既位置都洗得到既,係眼底位既眼影、眼線位比較難按摩得到。 有時唔小心入到眼,過完水會覺得對眼睇野朦朦地,呢個係小敗筆。 整體按摩走哂D化妝品後,就直接將手套沖一沖水,整濕少少再全面按多次做乳化。 之後就可以用清水洗面啦,通常我懶懶豬都係直接走去沖涼當過水既XD 我好鐘意佢過水後個種清爽得黎潔淨既感覺,肌膚感覺好柔軟,保濕度好唔錯,即使最近天氣轉涼都唔會覺得乾。 肌膚夠通爽,後續保養自然吸收得好,護膚就事半功倍啦:) 更多資料: http://www.dermalogica.com.hk 「產品及有關資料由品牌提供」 |
~END~
商店 |