抱歉,發生點錯誤。
重新載入
2019年5日4夜帶著媽遊台北歎美食之旅-更新day3
Dusty
2019-03-17
732
1
分享
收藏


今日訓醒就出發去食早餐先,這檔粢飯就在酒店樓下側,只做早市,附近亦有很多這樣的檔口,不過今次就無試了



這間昌吉紅燒炖鰻店上次已想試,今次終有機會來品嘗



這店開在平民區,一般都係做街坊生意



這一鍋應該做湯頭?



餐牌


我就點了一份紅燒炖鰻及炒米粉,埋單$105蚊



紅燒炖鰻:湯頭有些比較淡的藥材味,其實都係當歸那些,但就像白水煲當歸,再加些酒,比較平凡,鰻魚就很新鮮,表面係炸過的,其實我覺得應該把鰻魚分開上,表面唔會浸到腍身!應該係要食脆口的......



炒米粉:米粉都幾彈性,都ok


食飽後就慢慢行去迪化街



這店就在隔離,好像幾唔錯,不過我要留肚食其它野



這間柴寮鯊魚煙百年老店是我第二站,係食鯊魚內臟的



老闆推薦我食綜合鯊魚煙二人份,埋單$150蚊



店裡牆身貼滿些老闆跟名星的合照相



綜合鯊魚煙:有鯊魚腮皮、鯊魚喉嚨、鯊魚肉等部位,但主要都係食骨膠原,這些鯊魚內臟都經過煙熏,但其實全部都沒什麼味道,很淡很淡的煙熏味,完全沒有鯊魚本身的味道及腥味,放入口真係唔知食緊乜!但都有些Q彈既



食完野,好快就行到迪化街,今日天氣非常陰




在永樂市區裡面,這間油飯永遠都大排長龍,我一次都無試!



因為食飽左,所以都無幫襯



行行下見到這間大盜陳珍珠奶茶,這店最出名係烏魚子奶蓋,不過我就無試到,我都係飲返些正正常常算了



黑糖珍珠鮮奶:奶味都幾濃,加埋黑糖都唔錯,珍珠都幾彈性,又唔會很甜


剛行完迪化街時,開始有點雨了,我就穿過地下街去搭捷運返酒店休息下,都行到有點累!



在酒店小睡了一下,抖足精神再出發去饒河夜市,今日好像係台灣假期,所以特別多人流!



現場人山人海,饒河夜市條行人跟本身都已經夠窄了,行起黎都唔太舒服



行了幾檔,見到這檔新野,上次唔多見的,係宜蘭蛋餅,但我係俾果些蔥吸引住



呢檔都要排晒隊的,現場即點即做,所以等既時間都會耐些,但好食既野,我係有耐性的,看似好簡單的做法,但要有心思同設計都要落些功夫架,希望唔會失望啦



我係要蔥味的,好熱辣辣,一啖咬落都幾討好的味道,d蔥味唔算超爆,但我覺得幾唔錯,餅皮亦都脆口絕對可一試



因為很多人,有些想試的都無買黎品嘗,實在太多人



我都想買返些黎做擺設,幾靚



陳董排骨湯係我很想俾啊媽試試的,剛好見到有兩個位,即刻坐低,今晚這碗藥材排骨湯既味道還是好飲的,藥材味很討好,但我想講真的幾油下,面層全都係油!但排骨都係很好食的,肉質一點都唔粗糙



最後我再排隊買胡椒包作結尾,人龍係幾長



但都算排得快,大概十五分鐘就到



炭火烤的一定有質素保證



味道還是很美味,肉夠多汁,包亦脆香,好正



饒河夜市亦逛完了,再回酒店附近行下



今晚決定要試下沐白,雖然香港都有分店,朋友亦極力推薦



朋友話TOP3的好飲,其實我係想試珍珠紅茶拿鐵多些,因芋頭我一般般,但媽就喜歡,所以還是買了試試



大甲芋頭鮮奶:芋頭茸很多,而且有些係粒粒的,俾你有些咬口,芋頭份量很多,而且幾濃芋頭味,亦唔會很甜,真係幾好飲喎^^



行了一陣街,又有點餓了,決定去食碗麵先,這間楊記大餛飩好多人幫襯的,因為性格比高



榨菜肉絲麵:用料足,但唔算高水準,只係貪方便,同埋好多美女黎幫襯架heehee,你們明啦



雲吞麵:雲吞好大粒的,裡面好多鮮,幾唔錯的




食飽後,去了7係買純粹喝,因為有特價,啊媽好喜歡飲heehee,之後返酒店休息喇

~END~
商店
Meloching2019-03-18 23:11:52
+ 追隨
舉報
繼續食食食,好有口福!饒河街夜市的胡椒餅我也幫襯過,當時人龍裡有日本遊客。
回覆