成個星期都係一個人的lunch，又係去幫襯良心小店嘅時候，最近有不少人推介AQ餐室呢間新店，據聞呢到嘅牛扒不俗，一於去試下先，因公司係彈性時間食飯，必食下午茶，2點多去到，幾多人下，不過仲有位。
店子裝潢簡潔柔和，白色的牆身上掛有小盆栽﹐帶點小清新，感覺舒適。
餐牌，下午茶都幾多選擇，但一心來食牛扒，叫左個扒餐。
煎牛扒配炒蛋薯條，$45。
熱咖啡，跟餐的，正常水準。
熱騰騰的粗身薯條香脆好味，牛扒份量適中，肉質軟腍牛味濃，配上滿滿的黑椒汁更惹味，有埋炒蛋，多樣野食，好滿足。
見到職員都幾照顧老人，叫個婆婆食客慢慢坐，同多謝婆婆常來幫襯，婆婆走時又幫拎買餸車出門口，有人情味，學生優惠午市有八折，服務態度友善，NICE。
食物有水準，價格合理，下次可叫埋同事一齊來食了。
灣仔軒尼詩道61號四寶大廈地舖
| 
