【自家煮】父親節慶生飯 ♥ 清蒸長腳蟹
|
|
ester
2020-06-23
412
6
|
分享
收藏
剛過去的星期日除了父親節,也是儍爸的生日 父親節 + 生日飯當然要食得豐富啲 ... 煮了儍爸想食好耐的亞拉斯加長腳蟹 ● 清蒸長腳蟹 ● 蟹汁煮節瓜 ● 鮑汁伊麵 ● 香草蛇餅腸 ● 椒鹽雞軟骨 長腳蟹的煮法當然就是簡單又易做的清蒸喇 ! 而且最能保持蟹的原汁原味,不用點醬料已經很鮮甜 我們一家四口食,所以叫店家揀隻較細的長腳蟹 ... 約 3 斤重 長腳蟹買返來不需特別處理 用刷清洗乾淨,蟹肚向天,水滾後隔水用大火蒸 25 分鐘就食得 ** 店家還教我們煮之前用水浸隻長腳蟹 5 分鐘,浸暈佢才蒸就不會掙扎引致甩手甩腳 至於蟹肚向天隔水蒸就可以避免蟹膏流失 一打開蟹蓋,就見到滿滿的蟹膏,蟹膏入口甘香鮮味 蟹肉豐厚多汁,入口彈牙,鮮甜美味 連我們平時好鍾意的蟹醋都不需醮點,直接進食已經鮮甜無比 ~~ 生日又點少得生日蛋糕 ... 芒果拿破侖 ** 以上分享是以我的口味、喜好和情況作出分享及感受,一試 / 合用與否請自行決定 ** 本網誌內所有文章和圖片均屬本人所有,歡迎參觀。圖文如欲轉載,請先聯絡 cheungester@gmail.com ! 如發現未經授權使用,本人將保留一切追究權利 ! 多謝合作 ! |
~END~
商店 |