抱歉,發生點錯誤。
重新載入
鍾菜@九龍灣
飲食二打六
2007-11-17
2478
0
分享
收藏
下午茶簡直就係我既至愛, 今次揀左間比較吊腳既中菜廳"鍾菜", 水準幾ok喎, 無失望, 遲的仲諗住試埋晚飯睇下有冇其他驚喜添.




石榴燒鵝 - 鵝既味道就普普通通啦, 不過食得出隻餓幾新鮮, 又唔肥, 尼個菜特別在於佢既石榴醬汁, 酸酸地, 幾好味架.




三色腸粉 - 你淨係睇個樣就知幾咁滑啦, 表皮晶瑩剔透, 見到晒入面既餡料, 中間果2隻蝦仲大隻到..........




芝士蝦春卷 - 上台時熱辣辣咁, 一定係即炸啦, 外面炸得好脆, 但食落口一的都唔乾喎, 因為入面包著液體狀既芝士, 仲加左2隻大蝦, 感覺唔係好熱氣.




鮮蝦燒賣 - 真係無諗過佢地既燒賣都會於上原隻既大蝦, 食落去好爽, 無咩肥豬肉既感覺.




鮮竹卷 - 雖然睇上黎平平無奇咁, 但食得出入面既餡料好新鮮, 食左咁耐鮮竹卷, 覺得尼度用既材料就最新鮮, 最好味.




紅油抄手 - 美中不足既就係尼個紅油抄手, 食落口感上算ok, 但始終食唔到辣味. 唔係我expect果隻.




大蝦燴麵 - 尼個我自己就無食, 因為我只愛吃點心, 飽肚嘢都係留返比其餘果二個人啦. 從賣相睇, 都應該唔難食既.




香草炸班腩 - 多數都係連住一塊厚厚既皮, 唔鐘意食魚皮既人當然唔太啱佢地啦, 但我就最鐘意勒, 食魚皮有種似食豬肉既感覺, 但比豬肉健康好多喎.




香草焗生蠔 - 尼碟太少勒得2隻, 邊夠我食呀, 仲有, 唔知點解, 話明係焗物點解同炸物既樣一樣咁既 (你地睇返上圖先啦)..........有咩分別呢?????




法式焦糖燉蛋 - 又係賣相一流, 食落當然唔差啦, 好滑溜, 不過就細杯左少少囉.




桂花三色糕 - 差唔多每枱必點既甜品之一, 上層晶瑩剔透, 中層同下層又唔太甜, 都幾啱我尼的怕肥又想食甜品既人, 真係好清甜.

三人消費: 十碟點心, $200有找, 都幾低食喎.

PS: 顧客如姓名內有"劉"字或"王"字或同音既字, 都可以享有六折優惠, 優惠至30/11/07止.

地址: 九龍灣宏遠街1號一號九龍G01鋪



感謝 飲食二打六 提供以上資料
個人日誌: http://eaternote.blogspot.hk/









~END~
*/ $zopim.livechat.setLanguage('zh_TW'); $zopim.livechat.hideAll(); });