小朋友踩單車好去處-功樂道遊樂場

而家好多地方都唔比踩單車，比小朋友玩的就更加難搵。

好彩係觀塘樂華村仲有一個有單車租既遊樂場可以比小朋友踩下單車，開心下！

趁仲係假期又近近地，就帶左我家兩位甩繩馬騮去消耗下佢地過剩既體力．

呢度有單車租，$25/1小時，仲有飲水機同洗手間，設備唔錯！

呢度係初學區，阿仔之前都係係呢度學識踩兩個輪既單車ga！

環境好綠化！雖然唔係好大，但比小朋友玩都足夠！

　兩個幾開心！

阿女第一次踩單車，之前係踩三輪車ga！呢度幾好，有單車連兩歲半都啱用，正！

　知道有啱高度既單車有佢份玩，個樣幾得戚！

　有得玩，一d都唔驚

　好快上手

　架單車細細架

呢度真係唔錯，交通方便，又好啱小朋友玩呢！

玩完仲可以去樂華村內的冬菇亭食飯，開開心心玩左半日！