今期有個「天馬神駿－中國馬的藝術和文化展覽」，擺明食正奧運熱潮，上星期日去參觀一下，當然不期待有關於天馬座星矢的資料啦(又不是模型鋪)!!

心中常有疑問，為何香港的專題展覽，常禁止入場人士拍照呢?又沒有開閃光、快門聲又可設定為「靜音」。理論上完全不會騷擾到其他人，也不會影響到展品，究竟是為什麼呢?康文署可否解釋一下，為何大英博物館、羅浮宮內都俾人任影唔嬲的同時、我們的博物館又諸多限制呢??

說回此博物館，主要展覽「香港故事」可謂十分長青，展品也是「九成不變」。我看到溫柔的爸爸抱著孩子，一邊解釋展品、一邊訴說自己的童年。另一方面，又有些細路向母親埋怨：「好悶呀！又黎依度！」令我想起倫敦的Victoria and Albert Museum，不斷更新展品，種類更層出不窮，最重要是可免費入場！

回歸十一年了，「香港故事」的最尾段部份仍是九七交接儀式，喂！可唔可以俾d heart出黎，攪好d個館呀？