【荃灣 食記】悠閒午餐 ♥ 小鹿主題。打卡able雀籠型座位 西餐廳 ♥ Deer Kitchen
|
|
ester
2021-10-08
292
2
|
早幾日與妹子在荃新天地搵地方食晏時 就被可愛的小鹿和雀籠吸了入去 ... 店名叫得 Deer Kitchen,店內當然有小鹿的蹤跡 ... 店口的櫃檯就是木製的鹿,還有牆上的鹿頭木雕和天花吊著的小鹿工藝品 不過最吸睛的都是門口兩個雀籠型座位,打卡一流 ~~ 可惜雀籠型座位已經被人預訂了 ... 餐廳樓底高,加上面向外街的大幅落地玻璃,空間感十足,坐得幾舒服 ~~ 午飯時間當然點番兩份午餐 ... 午餐價錢由 HK$98 至 HK$148,包沙律或餐湯 + 主菜 + 飲品 我們兩個都揀了餐湯 ... 南瓜湯 還有妹子的餐飲 ... 凍蜜桃茶 儍媽的午餐 B ... 芝脆燒烤菇芝士醬牛肉漢堡配薯條 HK$98 妹子的午餐 G ... 烤安格斯西冷扒配香濃燒汁 (配飯或蔬菜) HK$148 安格斯西冷扒點了七成熟配蔬菜 伴碟蔬菜有沙律菜、四季豆、蕃茄和紫薯蓉 牛扒帶點厚度,外面焦脆,裡面的肉是粉嫩色,食落去帶點嚼勁,愈嚼牛味愈濃 ~~ 芝脆燒烤菇芝士醬牛肉漢堡配薯條 牛肉漢堡又厚又 juicy、大大隻又厚身的菇、惹味的芝士醬 配搭清新的蕃茄和爽脆的生菜,口感和味道都很豐富 還有炸到香脆的粗薯條 ~~ 食到再飽都有位放甜品 所以 +HK$25 另配了兩份是日甜品 ... 紐約芝士餅 芝士餅質感扎實,口感幼滑,味道濃郁 加埋上面白色的酸忌廉一起食,不會覺得甜膩 配多杯香濃的熱咖啡真是大滿足 ~~ Deer Kitchen 香港 新界 荃灣 楊屋道一號 荃新天地一期地下 G06-07 號 ** 以上分享是以我的口味、膚質和情況作出分享及感受,一試 / 合用與否請自行決定 **本網誌內所有文章和圖片均屬本人所有,歡迎參觀。圖文如欲轉載,請先聯絡 cheungester@gmail.com!如發現未經授權使用,本人將保留一切追究權利多謝合作! 歡迎與我聯絡 → cheungester@gmail.com (Ester Cheung) Instagram│Openrice│BlogSpot│UBlog |
商店 |