時間過得好快唔經唔覺個半月的陪月工作今日last day，喺度祝媽咪同bb健康幸福快樂，今日只喺安排燉湯同煲湯，午餐只係得我自己簡單食，晚餐媽咪出去買海鮮同bbq嘅食物同我farewell，雖然有工人姐姐但因為bb飲奶問題每晚都會遲一個鐘頭先收工，地方比較遠每日來回大約三至四個鐘頭，bb因為比較細而且又撞啱新年雖然過完年之後先開工但因為大年初一bb出院怕新手媽媽搞唔掂，唔放心都專登過去跟一跟，bb要足兩公斤先可以出院員工最開心係BB個半月生長得好好已經有4.5 kg，滿月嗰日媽咪冇慶祝，我都係做咗蛋糕同紅雞蛋同媽咪佢哋慶祝bb滿月，今晚好開心婆婆都有嚟，媽咪買咗好多海鮮，bbq好特別有南乳豆卜，白果雞皮餃子我都係第一次食，預備得太多啦最後好多嘢都冇食到，我哋食飯嗰陣時bb好乖喺度瞓覺，咁我就邊食邊傾好快兩個鐘頭差唔多八點準備走嗰陣時，bb好叻唔想我走，最後就又餵埋先返屋企，平時半個鐘就飲完，今晚飲咗成個鐘還回返啲又大便搞到9點半先走，返到家又11點幾好彩明天星期日唔洗返，星期一又去入青衣幫個媽咪做幾日，因為她的陪月完工做得麻麻，個媽咪知我完工想我幫半個月，但我就先做一星期再睇下點先

媽咪寫的信同埋送咗份好特別禮物畀我

好特別的雞皮餃子

冰菜白果

海鮮有蚌，鮑魚，龍躉，尺米蝦同帶子

滿月同BB 影相，BB頭飾係個媽咪自己整

滿月送比媽咪的一餐

呢個媽咪的燉湯多用豬尾，婆婆話味好啲

部份的午餐

呢個媽咪無餵人奶又好想食水煮田雞，完工前幾日就整咗比她們做晚餐，食完加魚，菜，肉去打邊爐，第二日話好食到不得了，問我用咩醬料，自己配，哈哈哈哈哈

呢個皮蛋好特別，喺婆婆專登買回來請我食