如何保存士多啤梨
|
|
吳太廚藝室
2014-02-08
4357
11
|
大年初三,同家人去大尾督-士多啤梨自摘娛樂園. 可能春節假期,多人去探親,燒烤, 人龍長一長呀,有成200人在等小巴呢! 我地7個人,個個都唔想等..... 咪伸手搭的士,來回要260大元. ....都好過苦等啦!
我地一落車,就飛快地走進士多啤梨園. 來個深呼吸.....好香好sweet呀.
你又摘,我又摘.....不經不覺摘了5磅.共250元.
採士多啤梨時,最好用枝竹仔,輕輕撥開. 讓小蜜蜂知道你的到來,佢就會飛走. 看!圖中有一對小蜜蜂正在採花蜜呢!
咁多鮮莓,有的送比親友,留番1磅自己慢慢品嚐. 今次,我刻意放入呢個LOCK LOCK盒.
嘩!好得呀.今日係第7日,粒粒紅噹噹,人見人愛,口水流. 上次,我用透明盒,Keep到3-4日咋.
臨走,有兩位婆婆在園的門口,熱情推介自家製客家小食. 13元1個,我買了1個白色的,內面有蘿蔔絲,蝦米...yummy.
小心得: 盒內底,面,中間都舖上廚紙,以免士多啤梨壓傷. 放入士多啤梨,要輕手小心d. 士多啤梨不用洗乾淨,好易變壞. 放入雪柜中層或下層,即生果箱上面. 待食時才清洗!
如何前往: 出大埔墟火車站, 轉20C前往大尾督的綠色小巴. 大約20分鐘車程可到達. 沿途經發記士多. 下車後,過馬路就見燒烤王入口,沿路前行轉左. 多行1分鐘便可到達士多啤梨園.
負責人好好人,如想食更甜美的士多啤梨. 最好星期四,五來. 因為六,日採摘人較多,星期一剩下青紅的. 星期二,好少少......到星期四,五就最SWEET嘞. 採摘時間由12月至4月. 如果你係第一次去.上車時,可以請司機幫幫忙.
|
商店 | 大埔大尾督士多啤梨園自摘園 |