Wedding vendor review - 帝京酒店 (證婚埸地)
|
|
莎拉蛋糕
2011-05-07
472
0
|
係時候輪到開始寫商戶評分啦! ************************************************** 商戶: 帝京酒店 (地中海花園) 評分: 3.5分 (最高5x) ************************************************** 一直渴望一個可以在室外既婚禮(因為可以禮成時吹啲肥皂泡), 當然可以係草地上行禮就Perfect, 但係要完成呢個夢想實在會一再令我over budget啦, 所以最後我們選擇咗帝京酒店7樓既地中海花園. 包場2小時價錢都只係$380X(不包括證婚律師), 相比係一啲證婚公司30min既package其實係價錢唔算貴. 有2小時既時間可以同啲親戚朋友慢慢影相, 唔需要急住交場. 地方都好寬落, 當日場地有成約70人-80人, 當都唔覺得好擠迫 (當日酒店Set咗約60個座位給我們), 雖然package註明係容納50人, 但係酒店都沒有charge我們, 好彩好彩!!! 呢個就係進場既走廊, 唔算太長, 但唔會覺得濟迫
證婚既禮台及酒店包既花壇decoration
大婚當日都好凍(約16C), 加上因為係空中花園平台, 所以都估到會好"當"風, 所以酒店方面就Set-up咗幾支戶外暖爐既stand俾我們, 所以座係暖爐附近既guest都話唔覺我凍呢!!! 雖然我無order到嘢飲俾啲guest, 但係酒店方面都set咗個drinking corner, 有侍應 serve啲guest提供暖水, 呢個係我原先無預計既.(唔知係咪天氣太凍而有提供暖水或是本身係包埋呢???我都唔很定啦) 至於decoration, 酒店只係包證婚位置個花壇及座椅套, 而如果你想要好似酒店website內啲相所影既decoration就要另加$100X, 而我自己最後選擇DIY個Decoration, 主要係reception位放置簡單既佈置而其次就係DIY咗啲花球掛在兩排座椅, 衰衰地都見得吓人, 但就辛苦晒一班姊妹及兄弟們啦!!! 自家DIY decoration既reception desk
基本上服務方面都幾好, 所有嘢都跟得好足, 而佢地都提供咗足夠既侍應 . 當日其實我們都係Overtime咗約30min, 酒店都沒有吹速我們交場或Charge番我們, 呢樣嘢要讚呢!!! 爸爸帶我進場既一刻
我夢寐以求既肥皂泡進場儀式
所有嘢都好滿意, 唯獨是個dummy cake,,,,,真係好肉酸, 好鬼dummy呀, 同我之前係相睇到果個dummy cake都唔一樣, 兩會事呢, 呢個dummy cake可以講係我見過既最核特!!!! 好彩我晚上有個真既cupcake wedding tower咋, 如果唔係我一定嬲爆呀!!! 肉酸發紫dummy cake
呢個係酒店brochure既dummy cake, 差咁遠
網址: 相關文章: 感謝 莎拉蛋糕 提供以上資料 莎拉蛋糕的網誌 http://sarahcakeblog.blogspot.hk/ |
商店 | 帝京酒店 |