上一排, 謝菲有個係加拿大讀書時既中學朋友回港探親, 一行6人去咗一間叫泰簡單既泰國菜餐廳食晚飯. 泰菜絕對係"買飛彿", 但對於我呢個九龍人, 真係好少係港島區食飯. 如果係openrice到search銅鑼灣既泰菜, 泰簡單係排number 1. 呢間餐廳有個天台, 所以可以座outdoor, 環境幾好, 但因為我地怕熱, 所以都係座室內嘆冷氣.

我地叫咗好多嘢食, 其中一個比較特別既餸係叫泰霸道, 其實係泰式咖哩炒蟹, 但就所有蟹殼已經拆咗, 所以就係啖啖都係蟹肉, 個餸用嚟配麵包, 薄餅, 炸米餅一流, 呢個餸最岩我呢種懶"met"蟹殼既朋友!

其他餸仲有, 泰式拼盤, 柚子沙律, 香辣炒蜆, 泰式蝦多士, 沙嗲串燒, 醃聖子, 菠蘿炒飯.

總結嚟講, 啲嘢食幾好食, 有機會都會再去多次, 但記住book位, 因為都幾full!