朋友仔生日,相約黃埔Outback食飯

BOOK枱時,佢有話因為星期五比較多人,要個半鐘交枱

但因為我地係5個大人加4個小朋友

我同佢講,咁多小朋友,未必得喎,我盡量啦

佢地都無強人所難,笑笑口咁話好啦.盡量

準時7點去到

黃埔其實平時都唔會多人

但估唔到餐廳內真係好爆

美式餐廳其實幾岩我地

因為小朋友多,幾嘈都唔怕

佢就係有種美國餐廳既熱鬧

唔會係法國英國個種浪漫

所以如果係想二人浪漫,靜靜傾計既

我可以話你知,依度唔岩你..入面好似酒樓咁嘈

啲待應好忙咁走尼走去

依到待應服務幾好

其中有一個男待應,大約廿幾歲

佢應該幾中意小朋友,

好識氹小朋友開心

連上蛋糕時,竟然主動留係到唱生日歌

我地走個時,仲幫小朋友著外套..

真係非當貼心..大讚...所以我地碌咭埋單,都有另外比貼士佢

小朋友有膠水杯,有蓋有飲管,好貼心

仲會有張遊戲紙比佢地畫下畫,玩下貼紙既

好..睇返食物質素先

Outback應該好多人都有去過..

都知道黑糖包係依度最有名既

尼到熱辣辣,好軟熟既

不過其實我個人認為普普通通啦..又唔係真係講到咁超好食

依下既食物我唔係好記得個名架喇..大約講下啦

白汁闊條麵,可以揀雞肉同蝦...我地揀左蝦..

個蝦好硬下..完全唔似蝦..似素蝦..不過個白汁就幾好味

炸磨菇..依個幾好食.一咬入去就咇汁出尼..

食既時候要好小心呀

依個真係唔記得佢叫乜野名..個名係我特別既

我見到張相問個待應係乜,先知係雞尼既,所以就叫左

依個幾好味,有小小辣既,好香口

雞肉凱撒沙律

好食,菜夠新鮮,無苦味..雞肉唔算滑,但好香口..都係有加美式辣椒粉呢..

全日最差既一道菜..

牛扒併豬仔骨..牛扒無乜味,好麻麻..

豬仔骨完全唔洗切,把切一介落去已經骨肉分離..啲肉感覺好"梅"

唯一最好食係蕃薯,幾夠甜,又有蕃薯味..

我地自己買去既蛋糕..

祝朋友仔兩母女生日快樂,身體健康..

4個大人,4個小朋友

叫左三杯酒..

埋單九百幾

食埋我地帶去既蛋糕都唔夠飽呢..