上次去玩完SNAP HK 自拍體驗館銅鑼灣店，已經望穿秋水等下一間分店再開，因為旺到好難book，無他嘅，因為實在太好玩！以前一班人re-union，都係飲飲食食，唱下K，其實真係無咩影下相同互動。去Snap HK玩自拍就唔同，互動性大之餘重拾青春之火呀！(哎呀~ 講到自己好鬼老添~ [掩面羞羞mode......定摟打mode?]好！B.M.好榮幸出席尖沙咀店開幕日，開心死！好，去片！

Snap HK自拍體驗館尖沙咀分店超近地鐵站，金馬倫道出口一出向右抬頭即見至sharp 外牆，夜晚仲份外有feel 添！

當日盛況有幾勁? 齋睇連樓梯都塞滿人就知，連著名原宿達人Eva Cheung都有到賀。你搵到佢未?

你睇! 超墟仚!!塞滿4樓樓梯!

最令B.M.心花怒放係Sweet Corner，靚到丫！竟然有美少女戰士icing cookie!!!![尖叫mode] ......[Baby 喺隔離俾個反白眼樣我 XDD，係呀！好難得佢陪埋我去呀!]另外仲有靚靚Natural Chiffon 春日花花cupcake。

心心眼mode

愛與正義, 著水手服嘅美少女戰士! XDDD

好嘞! 尖沙咀Snap HK 一共兩層，6 間主題房，花花浪漫婚禮主題房佔兩間，其他嘅有NYC、K-pop、哈利波特9 3/4 King Cross Station，以後嚟呢到等於去咗轉旅行！

4樓堅高0架! XDDD

咁嚟Snap HK 自拍體驗館點可以唔玩下呢？上次無影「架撐」，今次俾大家睇下啦！每間房有專業攝影器材，所有相影完直出唔PS無難度。除咗道具同衫免費租借於場內玩自拍用之外，最特別係佈景！有多啦A夢嘅隨意門，帶你疾走紐約街頭！記住，想玩就快啲打電話去Book啦！新張期內六折！想知多啲最新消息，可以去like 佢地個Facebook！

超愛呢張同Baby迷失NYC街頭!

BAKINGMANIAC