抱歉,發生點錯誤。
重新載入
大埔墟街市尋寶記
cici小廚房
2014-04-01
9621
6
分享
收藏

每次去大埔墟街市, 除咗為咗食豬扒麵之外, 它的街市亦都藏有好多寶, 等我遂一介紹啦!


首先去醫肚先, 每次嚟, 我一定會去"東記"食豬扒麵, 但熟食中心仲有好多好嘢食, 所以今次選擇"學利"食魚蛋粉. 見到餐牌有D花多眼亂, 就決定嗌"學利八寶鍋麵". 一嚟樣樣都有, 其次係兩個人share, 唔洗煩. 碗河粉好巨呀, 內裡有魚蛋, 魚片, 雲吞, 牛丸, 豬肉丸, 貢丸, 魚皮餃, 墨丸, 魚皮就另上. 飲啖湯, 湯底好清甜, 一咬魚皮, 好香好爽脆, 其餘嘅都係一殷, 冇咩特別, 仲有這裡的雲吞係冇蝦, 內裡全部都係豬肉. 唯一讚係墨丸, 好彈牙. 順帶一提, 咁大碗粉, 真係唔好嗌河粉, 因為會冇晒湯, 其間要加湯, 好彩個姐姐服務態度好好, 這點值得一讚.












食完當然要去梁九記一遊啦, 其實去梁九記, 真係要搏. 因為你係唔會知道佢係幾時休. 不過, 遠處已經見到人山人海, 下, 主知道無摸門釘. 它有兩個鋪位, 一邊賣凍肉, 一邊賣乾貨, 攞個籃就入去掃貨. 講真, 人頭湧湧, 一見到啱就好似要同人搶咁. 不過, 已經好多嘢都已經沽清, 黑豚扒, New Zealand法式羊架, 鵝肝. 鴨胸, New Zealand羊鞍, 法國春雞都畀人掃晒, 所有今次唔係買咗好多嘢. 只係買咗牛脷, 西冷扒, 豬仔骨, 日式生蠔, 加上人太多, 好難去慢慢選擇. 建議平日去, 會買得暢快D.溫馨提示,梁九記係唔畀拖車仔!




跟住, 順便買餸啦. 大埔墟街市地下主要係海鮮同肉類. 這裡的海鮮包羅萬有,真係有點睇到人花多眼亂。這裡特別多石崇魚,新鮮同冰鮮都有,用嚟煲湯就正。不過,我經過一間魚檔,見到有梳羅魚,仲要係已經處理好,又新鮮,一盤都係$20。這間檔係一對老夫婦經營,亦都好友善,所以二話不說就幫襯。記住這間叫"勝記海鮮",下次經過大埔墟街市,又想煲魚湯,可以考慮這對老夫婦。



跟住,行吓行吓,又見到有唔同種類嘅海魚,正當心思思買邊條時,見到有間魚檔有四條好特別的海魚,但都只係賣$45。跟圖順序叫: 將軍甲,釘公,雞魚,波羅魚。嘩,$45可以食到四種唔同味道嘅海魚,即刻買嚟試。



行上二樓,其實除咗梁九記,主要係菜檔同雜貨。菜檔有有機菜,亦都有泰國菜。例如: 秋葵; 椰菜苗。通常這些泰國菜,醬汁,香料都需要係九龍城先可以買到。我買咗椰菜苗同青檸做儲備!



下次再嚟,要早一點,因為每次去大埔墟街市要花至少2個半小時。

~END~
人均 $40.00
商店 梁九記海產凍肉公司
yumi2014-04-02 11:40:35
+ 追隨
舉報
大埔墟街市原本有咁多正野!!
多謝分享呢!!
回覆
艾華斯2014-04-02 12:41:21
+ 追隨
舉報
我間唔時都去行下,好多嘢買呢~而去梁九記就真係要搏下,平日都會突然提早收工……
回覆
特搜總編E2014-04-03 10:20:54
+ 追隨
舉報
恭喜!經過「SeeWide評審團」一致通過,你的發佈已被選為推薦攻略!你不但可以獲得200經驗值,更能累積200探險里數作為開展下次探險之旅的旅費!
回覆
特搜總編E2014-04-07 12:07:14
+ 追隨
舉報
恭喜!經過「SeeWide評審團」的悉心細選,你的發佈被刊登在SeeWide首頁的置頂"必敗分享"中,還不趕快去看看!
回覆
小A的世界2014-04-08 01:13:16
+ 追隨
舉報
我7年前住大埔時(那時都沒有梁九記),就發現街市和它附近都充斥著又平又好吃的食店和食材,可惜最近回來逛,發現很多以前愛光顧的店子都沒有了,只餘下街市附近的「阿婆豆腐花」、「群記清湯腩」和「陳漢記」尚在。至於海鮮檔,我們家較愛「舅父」(因比較老實,但現在不知是否仍這樣),好像還在。
回覆
Meloching2014-04-09 22:19:02
+ 追隨
舉報
大埔仲有好多正野架!得閒再入來逛逛丫!
回覆