假日西貢真係人山人海, 尤其係陽光普照嘅日子, 非常熱鬧同充滿生氣, 人人都心情愉快. 但係揾野食嘅時候就有D傷腦筋, 所以我地大多數食" 蘇姗娜" 舊店(新店依加已經冇做). 今次我地有備而黎, 去六福食飯, 揀左星期六下午十二點嘅最小人時段黎幫襯就萬無一失啦. 上次黎就衹係食餐牌上嘅菜式, 今次攞左位之後就去西貢街市自選海鮮, 又一個滿足嘅午餐.
西貢街市德記 - 除左大海中蝦同聖子, 仲發現有極品奄仔蟹, 當然要一試啦.
心情大靚, 啤啤佢先.
蕃茄薯仔魚湯($32), 魚鮮味十足, 香濃好飲.
XO醬煎腸粉($28), XO醬香口惹味唔太辣, 腸粉煎得夠香透, 十分出色.
豉椒炒聖子($40+$45), 微辣加上火喉恰到好處, 聖子大小適中, 勁鮮甜又爽口, 高水準.
蒜蓉開邊蒸大海中蝦($100+$45), 8大隻海中蝦鮮甜味充足, 仲有甘香嘅蝦膏, 超好味!
油鹽焗極品奄仔蟹($300+$45), 蟹肉充實鮮甜, 流沙嘅蟹膏軟滑甘香, 鹹香同鮮甜味一齊湧入口腔內, 歷久不散, 無敵嘅滋味可比美黃油蟹.
西貢海傍非常熱鬧, 已有人開始練習扒龍舟啦.
上次黎係 2010年12月27日中午
蕃茄薯仔海鮮湯($32), 香濃滑.
豉油王炒麵($38), 炒得乾身鑊氣夠, 好味道.
豉椒炒花甲($58), 香辣惹味, 如果用埋海蜆就更加無敵.
椒鹽鮑魚($92+$45), 功序繁複, 外香脆內軟滑又爽口嘅複雜口感, 同埋鹹香椒鹽中食到微微嘅鮑魚鮮味, 名附其實嘅出色招牌菜式.
瀏覽人數 :
感謝 大力 提供以上資料
大力的網誌: http://www.daileghk.com/
|
