坊間的日式串燒店多不勝數但水準參差, 今日試過位於尖東富豪酒店內嘅錦, 主打日式串燒, 燒鳥就更加係招牌菜, 每個部位都可以用作燒烤. 選用嘅材料都非常優質, 加上師傅燒烤手藝不凡, 火喉恰到好處, 每串由拾幾到伍拾幾不等, 價錢合理. 比得上初開張時中環嘅南蠻亭, 係目前最好食嘅日式串燒店.

 

 


我地坐吧頭位, 可以欣賞到燒烤師傅嘅手藝, 真係越睇就越開胃.

 
 
前菜

 
沙律 -  越食就越開胃.

 
芥茉八爪魚 - 鹹鮮惹味, 八爪魚粒爽脆有口感.

 
生啤 - 冰凍透心涼.

 
炸生蠔 - 外脆內嫩好鮮味. 

 燒青椒仔 + 燒雞心

 
燒免治雞肉串, 伴雞蛋同食, 香軟肉嫩美味, 必食名物.

紫蘇雞肉串 - 鮮甜雞肉加上清香嘅紫蘇, 好滋味.

燒洋蔥 - 加上木魚絲嘅燒洋蔥更香甜好味.

燒大蔥 + 大蔥雞肉串, 同樣香口惹味.

 
燒甜椒 - 香甜多汁.

燒魷魚鬚 - 鮮味夾彈牙, 送酒一流.

 
燒鮮冬菇

 
燒雞尾 - 軟滑但羶羶地.

 
燒雞肫 - 夠爽口.

 
麵豉湯 + 漬物

 
燒鰻魚飯 - 鰻魚香口軟腍, 甘香鮮甜肥味, 人間美味.

 
燒煙肉露筍卷 - 鹹香中有爽脆嘅口感.


燒雞潤 - 甘香軟糯, 超好味.

燒雞翼 - 皮脆肉嫰, 滋味無窮, 可以無限 Encore.

 
燒蕃薯 - 甜甜地幾好味.

 
燒茄子 - 香腍軟熟多汁.

  

 
燒鵪鶉蛋 - 其實燒同烚分別不大.

燒牛肋骨肉 - 超香口, 牛味濃郁, 肉嫰多汁, 齒甲留香, Oishi.

2個人一共掃左21串加3個小食再加湯同飯, 輝煌嘅戰績, 埋單 HKD860.

感謝 大力 提供以上資料

大力的網誌: http://www.daileghk.com/