今日又係Short Week 大食日, 一早諗定要係尖咀嘅BLT食炭燒牛扒Brunch Buffet. 自助頭盤+甜品, 主菜5選1每位都係$288, 平時夜晚黎食個主菜都要呢個價錢. 頭盤選擇都算多同埋好優質, 甜品同生果都好精緻, 主菜有Burger, Tuna, 雞, 同兩款牛肉, 都幾全面. 食物質素高, 服務算OK啦. 以下就係一個相當滿意嘅午餐喇.
餐廳環境唔錯, 分户外同室內, 我地選左室內窗口位, 個View仲好靚, 可以望到尖咀碼頭, 維港同中環. 當日政務師唐唐一家五口都係坐在我後面用餐.
自助吧雖然枱仔細細, 但都有好多選擇.
自助頭盤(1) - 三文魚, 風乾火腿同燒牛肉都好優質, 其他新鮮蔬菜做嘅沙律都好清新, 感覺好健康.
自助頭盤(2) - 第2碟嘅炸意大利飯球同招牌Popovers麵包都好特別, 蛋餅香濃軟滑, 仲Encore左D好食嘅野. 但係未食完, 主菜已經殺到.
炭燒西冷扒12OZ - 保溫嘅鐵板上, 賣相與味道乘反比.
炭燒西冷扒 - 火候控制得好好, 做到真正嘅Medium Rare, 中間仲係粉紅色. 好有炭燒風味, 外層極之香口, 肉味香濃同肉汁豐富, 名附其實嘅招牌菜.
炭燒牛肉眼 - 用上PrimeRibGrade, 鮮嫩有肉味, 可惜Pre-set 左生熟度, 個人覺得生D應該仲好食D, 伴上嘅燒蕃茄都香濃好味道.
自助生果 - 全部都精緻好味, 尤其係芒果超香甜.
自助甜品 - 全部甜品都攞件試吓, 左邊嘅香蕉, 杏仁同青檸芝士餅都好正.
最後飲埋杯奶茶作個完美的句號.
瀏覽人數 :
感謝 大力 提供以上資料
大力的網誌: http://www.daileghk.com/
|
