抱歉,發生點錯誤。
重新載入
【韓餐館。石牆道韓國餐廳@尖沙咀】
ka_mia
2014-04-17
1016
0
分享
收藏


 

話說上星期五大Ka約左幾個舊同事出黎聚一聚啦~
明明一早講左食韓國餐,但又因為大家溝通上的錯誤,攪到遲遲都未BOOK 位
最終係星期五果日上午先再有共識,咁就拿拿臨上網搵下有咩好推介啦~

其實都搵左好多幾間架..不過因為果日係星期五,間間都FULL BOOKING...
但皇天不負有心人,終於搵到間係有位架啦~
不過時間就早(六點鐘..岩岩先收工)同埋趕趕地(去到只有個半鐘時間食)。

可能大家係心目中已經有想食架野啦,所以一坐低就好快咁嗌咩野食啦。
因為時間短所以我地就冇BBQ,但見隔離枱D材料都幾好~而且佢地都Encore左輪五花肉,我諗都唔會好差掛..
一落完單小菜話咁快就到,有成15碟放滿成張枱~ (時間太趕未能好好拍照,請見諒!)

前菜都未食完,熱辣辣炒年糕就上枱啦~

好味呀~又唔太辣~又甜甜地~好開胃
但同行唔食得辣架友人就話辣..不過見佢都係咁食..咁應該都唔算好辣掛
第2道上菜就係大Ka我好愛架生牛肉~自從幾年前係韓國食過之後就愛上了~

不過香港唔係度度都有架~估唔到呢度竟然有~
而且都幾好味~好味過係明洞安東雞食果個~
唯一唔好就係佢個樣唔夠靚同埋上枱之後要放一陣先食得,如果即食會覺得太凍!
之後再黎過生菜包肉~
嗯..唔係話佢唔好食,只係咁多樣裡面佢比較遜色..
望落去個樣都幾好,五花肉肥瘦好均勻~
中間果堆就係蒜片、蔥..
用菜包晒全部野一啖過,嗯~~好滿足
但瘦肉果部分就有D鞋口..


最後一道係魷魚燒五花腩

呢個係大Ka覺得最好食的,D五花肉好爽,個汁又好味

仲越食會越辣,唔食得辣架朋友就食唔到啦~

同行個唔食得辣架朋友就食左一舊就停左手了。

是日侍應上菜上得快,食完都仲可以係度吹下水,完全冇趕頭趕命的感覺,

而且環境都幾舒服~又唔會成日有人騷擾~

所以大Ka又多左個食韓國餐選擇啦。

End

~END~
商店 石牆道韓國餐廳 Dol Dam Gil Korean Restaurant