抱歉,發生點錯誤。
重新載入
炊豕店 (懷舊豬飯小店)
易風
2013-10-04
868
0
分享
收藏
人均消費:HKD$43

懷舊小店都幾值得人回味,但宜家香港既租金真係好貴,好多老店都做唔住,佢D野食加到太貴,去都唔係咁想。新開既食肆有D會以復古為前提。禮頓道聖保祿學校隔離開左間叫「炊豕店」既餐廳。睇中文字,我都唔識讀呢間野既名。「炊」讀音「吹」解作燒飯;「豕」讀音「始」解作家豬。真係自中七中國語文及文化科後都無再讀過,今日食餐飯,反而上左一堂。

呢間野沿用公雞碗上佢既秘製豬扒飯,宜家用公雞碗既食肆真係唔多,話雖而家都有商家重出公雞碗,但都叫做有Heart。

佢用上舊式吊燈,宜家街市肉檔都仲有用緊呢d既裝潢。


佢既特式係秘製豬扒同牛腩,仲要好快賣晒,我就8點走人,佢都已經賣晒所有野,可以收工走人。


今次推介 ─ 秘製豬扒飯(公雞碗上) ($43)

佢既秘製豬扒,表層係輕輕咁炸過,唔係太油,內層肉質唔係十分鬆,不過都有四分鬆,食落又唔會好腍,加上炸過,食落就脆脆地加有少少咬口。佢既炸法就係原塊咁炸,炸出黎都幾香口。同日式吉列係無得比。再者佢可以配飯或撈麵。如果塊脆豬扒配上撈麵,好易俾佢既豉油破壞左佢既香脆度,但配飯就一流。


牛腩粗 ($43)

佢既牛腩,really 好腍,但未嘗無咬口。如果牛腩有腩汁配撈麵,就仲正。不過我略嫌佢咸左少少。不過同秘製豬扒飯一齊食,都幾唔錯。豬係脆,牛係腍;飯係乾,麵係濕。豬對牛,脆對腍,飯對麵,乾對濕。最超組合。


椅方面用左打功夫都會用到既木椅,你千祈唔好睇少呢張椅,佢都有番咁上下既重量。承托力都有番咁上下。坐兩個人絕對唔係問題。傳說就話可以抗賊都係靠佢。

呢張就係讀書時既椅,分分鐘可以列入古蹟。好多人都未必見過呢d椅。

牆上既插圖都係台灣feel 既舊作品。俾晒咁多野d客人睇,佢都好落本。

餐廳入面擺放住好多50~60年代既玩具,唔知幾多人即時回想童年往事?

保溫壺都係80年代微波爐未興之前既人帶飯或探病經常會用既。

走入一間既餐廳,好似入左條時光隧道,入面有好多過去曾經玩過見過既事物,如果唔係得到呢d有Heart 之人,佢都未必能夠再次呈現。

好:秘製豬扒飯真係好食過吉列多多聲
壞:好快賣晒,同d椅唔係個個坐慣

好早去,因為好快就賣晒

光顧日期:4 October, 2013

地址 : 銅鑼灣禮頓道122號地下
Openrice : http://www.openrice.com/restaurant/sr2.htm?shopid=144494


============================================

感謝 易風 提供以上資料

易風的網誌: http://yikfung.blogspot.hk/


============================================

~END~
人均 $43.00
商店 炊豕店