品嚐台灣風情 - 屋子咖啡

Cafe 主要分左兩類, 一種係以食物為主, 另一種就係以飲品 ( 咖啡 ) 為主, 之前介紹的 Full/Half, Olive Cafe 屬於前者為主, Accro Coffee, 蘇廬, KnockBox 則為後者. 今次既屋子咖啡, 聽個名以為係後者, 如果你抱住飲靚咖啡既心態去, 可能令你失望了! 因為佢係以食物為主的Cafe !

呢度既裝修好似台灣小店, 極高既樓底增加左空間感雖然枱與枱之間好近, 都唔會太焗促! 入到來已經知道呢度係以食為主, 所有既黑板都寫住唔同種類既食物, 完全無提及咖啡 ... 不過佢既食物都幾射別, 可以試下!

今次叫左杯 Latte , 套杯碟好靚! 比較有感情D, 唔會好似瓷器咁冷冰冰...見到杯咖啡之後, 同朋友研究左好耐到底杯Latte 係人手沖定係機沖....最後都得唔到答案..,~ 其實杯Latte 都唔差, 只不過同期望有所出入..~

燕麥榛子梳乎里

小倉抹茶窩夫

佢既甜品就令人喜出望外啦~ 賣相同味道都好好! 個梳乎里好有咬口, 好香既榛子味! 第一次食個樣好似冬甩既窩夫, 好好味! 忌廉食落好輕盈, 一D 都唔覺得 "漏". 抹茶雪糕味道好濃! 一開頭會唔係好知點開始食好.. :P

總括而言, 呢間係食物比咖啡好既咖啡店~

============================================

感謝 SiuLamLam 提供以上資料

SiuLamLam的網誌: http://www.siulamcoffee.com/

============================================

~END~

商店	屋子咖啡 (大圍店)


抱歉，發生點錯誤。重新載入


(0)	(0)	(0)