抱歉,發生點錯誤。
重新載入

爲保持穩定性及速度,建議在Wi-Fi或真。無限3G情況下,才上載圖片!

 

詳情
HK
分鐘
服務詳情
繼續預約

(已結業)匯麵一九五0 MinMix 1950

2評論人均$40
電話:
付款方式:,八達通
  • 評論
  • 介紹
  • 推薦

Be Fans Now!

登入/註冊後,成為商店粉絲後,即可自動獲得最新商店消息或優惠。

按此成為粉絲

成爲粉絲
點擊同意,即代表您已同意成為該商店的粉絲,且同意服務條款私隱政策退訂政策優惠政策
不同意
同意

(已結業)匯麵一九五0 MinMix 1950介紹

匯麵一九五0 MinMix 1950 於屯門及將軍澳都有分店,是家以 車仔麵 為主的 餐廳,同時亦有其他食品供應,店家由裝潢以至是食品配搭都加入了不少嶄新元素,是間新的人氣食店。以下係探險家《May姨blog》為大家作出的實地報導:「$19的早餐 - MINMIX」見到團購有呢D早餐,$19,都抵既,早餐難食極都有個譜,就買兩份試下啦。有成三個月期,點都抽到時間去食既,而且佢話係常餐,即係全日都食得。早上八點至晚上十一點,點會食唔到吖?就係咁,搵咗個星期日早上去試。入到去都未夠九點,冇乜人,得幾個客。連攞餐具都係自助既,好似太興咁,本身張檯就係放餐具地方,個侍應只係話有咩就自己拎,講完就閃。每檯都有自助落單機,揀好食物就自己拍卡,各自俾錢,如果八通達唔夠錢呢..... 咁就梳哩啦,佢唔提供增值服務既,你自己去七仔搞掂先入過黎啦。我地食團購餐,所以唔駛咁落單,有侍應姐姐同你收紙。我早聞呢間字號既服務態度麻麻,但今日所見呢位,又OK喎。奶茶好快就到,味道都唔差喎!我朋友既厚切餐肉煎蛋一丁麵 我既五香肉丁煎蛋一丁麵,老實講,大家都睇到碗麵既狀態啦,D麵仲係鬈髮既,即係灼得啱啱好,我都好少去茶記食一丁麵既,就係怕佢同我淥到個麵淋晒麻,呢度師父既淥麵功夫就真係有一百分喎。憑心果句,隻蛋既黃唔夠挺,即係隻蛋唔算好新鮮。我反轉隻太陽蛋係湯度浸咗一陣,翻個過黎見到個黃既外層有變白少少既,好明顯即係D湯夠熱啦。抵讚!更令我意想不到既係呢D五香肉丁粒,竟然唔係罐頭貨,好感動呀~~~我基本上係冇檢查過碗野就食架啦,所以唔知佢俾咗幾多肉丁我。但我食到尾撩下,仲有好多肉丁粒喎。唔知自己係咪俾大集團刻薄得太耐呢? 認知入面,從來都冇咁多肉丁係一碗粉入面出現過架。至於塊多士,碗麵到咗冇耐佢就上埋檯啦,雖然凍咗,但一樣係外脆內軟既。證明佢係剛烘好先上檯,而唔係烘咗好耐先奉客既。呢間野賣點係潮,搵咗阿Bob做代言人,應該可以吸納到年青人市場既。而且價錢又唔算太高,比太興、翠華等平少少。可惜網上食評認真麻麻,如果唔係見佢咁平有個早餐,我都唔會無啦啦黎試。 我都驚帶朋友黎食,有唔愉快既經驗架,好彩今次又出奇地好,如果下次路過,我要食野佢又有位既,我都會返轉頭幫趁佢既。