抱歉,發生點錯誤。
重新載入

爲保持穩定性及速度,建議在Wi-Fi或真。無限3G情況下,才上載圖片!

 

詳情
HK
分鐘
服務詳情
繼續預約

Babbo Trattoria

29評論人均$347.6
電話:
付款方式:現金,Visa,萬事達卡,銀聯,JCB
  • 評論
  • 介紹
  • 推薦

Be Fans Now!

登入/註冊後,成為商店粉絲後,即可自動獲得最新商店消息或優惠。

按此成為粉絲

成爲粉絲
點擊同意,即代表您已同意成為該商店的粉絲,且同意服務條款私隱政策退訂政策優惠政策
不同意
同意

Babbo Trattoria介紹

以下係探險家《 大仁生活 》為大家作出既實地報導:「【驚天動地】 3萬蚊誘惑芝士任添 @ Babbo Trattoria」自從上個月食過尖沙嘴Oppa Coffee Bar的芝士拉骨, 簡直戀上了芝士的嫵媚, 阿太說:「銅鑼灣又開咗間主打芝士嘅舖, 你去唔去呀?」, 去去去!!!Babbo Trattoria 位於Plaza 2000, (吓??聽都未聽過…係邊架?), 原來就是時代廣場對面角位, 鵝頸橋底. (好老套…今日先知佢個大廈名咋)這間意大利餐廳, 好好坐, 略嫌燈光暗了一點, 可能3月才正式開業的關係, 未有太多人知道, 所以今日只有8成入座率.一定一定要點這裡的「凱撒沙律」, 因為店員會推一舊軚盤大細的芝士出來, 即場以魔術師, 表演刀鋸美人的大刀片, 為你磨芝士.伏伏聲真的看得我目瞪口呆, 其實我最初以為那舊芝士是鉆板, 為奇怪為何有如厚的鉆板放在一旁.阿傑解釋:「我哋用全意大利第二出名嘅Grana Padano芝士, (點解唔用第一出名?), 好貴呀!! E家都要3萬蚊一舊24吋高, 大約可以用一個月, E舊就用剩4吋左右囉」磨出來的芝士如同刨冰一樣, 不說還以為去了韓冰食雪花冰, 又薄又透明, 陣陣乳酪味道, 少少鹹, 多多香, 好食到想叫救命呀!!最無敵就是當你嫌未夠喉的話, 可以隨時「添芝」, 重點是免費, 而且不限次數. (無得頂, 絶對令人呼叫, 令人心跳的享受啦!! 貪心仁一共添了兩次…嘻嘻嘻…無蝕底麻)之後阿傑推介我們「雙味」Pizza, 綜合乳酪併磨菇烤雞, 一次過滿足兩個願望喎. (通常店員推介, 我必定信晒佢嘅, 因為唔好食我可以懶佢麻…)阿傑:「綜合乳酪由四種芝士溝成, 再加蜜糖, 如果你囝囝唔鍾意, 你叫佢搵我啦, 另外磨菇配雞好好味架, 信我」阿傑真的好好人, 竟然知道我要影相, 主動抱起SY睇師傅姐姐造Pizza, 對剛剛相識5分鐘的朋友來話, 我會用「唔話得」來形容.這個6位數字的特製火爐, 阿傑話:「一般Pizza就用290度, 焗5分鐘即刻可以食」(咁快???)今日我學識出色的拿波里Pizza, 皮邊要有2cm厚度, 而且一定要有出現「班點豹紋」才算得上出色喎…(係米好Pro呢? 因為阿傑教嘅…)大鄉里的我問可否加菠蘿, 阿傑:「美國Pizza先會加, 我哋意利大無菠蘿架…」(呀!!! 自己都覺得好老套呀)Pizza上枱, 不得了…香噴噴香噴噴香噴噴… 就連SY也講:「我都聞到好香呀!!」…嘩!! 我拉芝士啦…拉足4吋也沒有斷掉…正呀!!軟腍腍的Pizza, 店員Anson建議先食鹹的一邊, 我一向不愛食薄批, 估不到這裡令我改觀. 食完鹹, 我們便將蜜糖加入另外半邊Pizza.果然一批兩味, 非同小可, 簡直一邊似陳法拉的傲, 另一邊則似鍾嘉欣的甜, 總知兩邊均有令仁「壁咚」的衝動. 好食!! (好食到停唔到口)最後便是10安士的牛小排, 大廚先煎香牛排, 之後又再放入火爐焗一焗, (不過我無計時, 唔知焗咗幾耐)牛小排外層微焦帶香脆, 這是預設的Medium Rare, 一刀切開, 肉汁已經按內不住的湧了出來, 此刻我即時想到 :「緊緊跟隨, 愛如潮水它將你我包圍」嫩滑又有牛肉味, 我問Anson有沒有茄汁, 她說:「黃芥末, 海鹽啦, 味道會好好多, 我哋無茄汁呀, 因為點茄汁會蓋過咗啲肉味架…」(點解我今晚咁茂里嘅呢…好魚呀)阿傑話:「餐廳新開張, 本來食滿$500送紅酒, 不過你有小朋友, 我送三杯嘢飲畀你哋啦…」所以今晚果汁免費呀!!好難得連續食三味都水準之上, 有理由相信兩個月後, 一定爆長龍. (好彩我早嚟, 其實只係嚟睇佢刀片磨芝士, 己經值門票價啦, 今晚3個人食咗$697, 超值!!)