抱歉,發生點錯誤。
重新載入

爲保持穩定性及速度,建議在Wi-Fi或真。無限3G情況下,才上載圖片!

 

詳情
HK
分鐘
服務詳情
繼續預約

冷糕檔 (聯豐藥業公司旁)

1評論人均$10
付款方式:Cash
  • 評論
  • 介紹
  • 推薦

Be Fans Now!

登入/註冊後,成為商店粉絲後,即可自動獲得最新商店消息或優惠。

按此成為粉絲

成爲粉絲
點擊同意,即代表您已同意成為該商店的粉絲,且同意服務條款私隱政策退訂政策優惠政策
不同意
同意

冷糕檔 (聯豐藥業公司旁)介紹

隱世冷糕檔 售買懷舊小食冷糕,每日只開兩個小時,冷糕即叫即製,限賣約40底。每日引來大批人排隊來吃,售完即此。何為冷糕 ?冷糕是潮州特色小食「冷糕」又名為砂糖夾餅,有雞蛋仔外脆內軟的質地,又有夾餅綿密,加上芝麻、花生碎及砂糖的餡料而成。味道卻甜而不膩,入口鬆軟又充滿層次。以下係探險家《大仁生活》為大家作出既實地報導:「【懷舊街頭小食】潮州冷糕!! 每日限賣40底 @ 油麻地」同事上個月問:「大家有冇食過冷糕呀?」(讀音:【織「冷」衫】個「冷」), 我聽也未曾聽過, 更何況食呢?冷糕是「潮州」甜品, 類似砂糖夾餅班戟, 50年前香港街頭小食, 一聽到集體回憶, 愛懷舊, 更愛班戟的我登時發誓 :「2015年我要食冷糕…」同事說:「澳門下環街好似仲有得食, 香港就好耐無見過啦…」我本來已計劃過澳門, 誰知皇天不負有心仁, 竟然「飲食男女」介紹油麻地廣東道每日都有師傅造冷糕.師傅每日由黃昏5點開業, 他純熟的在平底鑊注入蛋漿, 一面說:「每日梗架啦…造40幾底, 5點做到7點, 不過好多時六點十就賣晒」. 所以每日傍晚, 聯豐藥房一定有一條2小時的人龍.為甚麼不多制點蛋漿賣多些呢 ? 師傅豪氣回答:「我仲要賣餸返屋企煮飯呀! 我老婆, 仔女唔駛食飯咩??」果真鐵漢柔情喔.師傅的閃電手, 上下兩個電爐同時煎制兩底冷糕, 時間為傍晚6點15分, 師傅大叫:「我驚唔夠蛋漿, 排最後嗰位小姐, 麻煩妳幫手叫人唔好再排隊啦! 唔該晒」師傅用竹籤將煎了約2分鐘的冷糕挑起放涼, 我猶豫為何不用秒錶計時呢? 「造一底4分鐘, 咁多年, 仲要睇錶? 吓…你好似記者咁多野問嘅」(性格愛八卦…得罪!!得罪!!)我表示想將冷糕放上網誌介紹給網友, 師傅將剛才的平底鑊放在凍水冷卻, 又再注入蛋漿:「你遲咗啦, 啲人一早放晒上網喇, 蘋果上個月聖誕都嚟咗, 講晒架喇」 (好嘢唔會遲啦!!)師傅為剛才煎好的冷糕灑上砂糖, 芝麻和花生粒, 我問:「三樣餡料都係現成買架?」師傅望一望我 :「芝麻係我自己炒嘅…」然後師傅又用鉸剪將冷糕上下剪少少, 疊接成半圓形, 完美的潮州終於完成了, 我問師傅怎樣稱呼 ? 他為冷糕放入紙袋, 遞給客人:「記得打平食呀…人人都叫我夾餅佬嘅…」(那我應該是寫Blog佬…多多指教!)就在同一時間, 一名姨姨經過問師傅 :「喂! 阿宙, E家排仲有冇得食呀?」師傅輕輕聲答:「應該今日都唔夠賣啦…」原來宙師傅2007年就已經在吉之島賣雞蛋仔, 斷斷續續至2009就過來藥房門口賣冷糕, (要否要拆帳?) 宙師傅:「我老友嚟架, 如果要分, 我做唔架啦, 無得做呀!!」(事實成本一加上舖租, 每底冷糕賣雙倍價錢都可能分擔不來!)$10一底潮州冷糕, 簡直超值, 外皮脆脆的冷糕, 與我最愛的班戟相比, 更加了一點層次感, 而且內餡軟綿程度更勝班戟.宙師傅氣定神閒 :「教你啦…返屋企放入焗爐焗返熱, 加兩塊牛油包你仲好食呀!!」(旁邊女士: 嘩! 肥死咩)宙師傅直斥:「點會肥呀! 你知唔知我啲蛋漿唔落油架, 我用幾多隻蛋你知唔知? 你估我好似出面啲人慳個幾隻蛋, 落鬼咁多油…」(師傅氣勢一時無倆…勁)發現食冷糕最好平放後用少少力, 壓一壓, 蛋糕就會吸住入面三種餡料, 食上來餡料不致散落一地, 而且更加入味.宙師傅的冷糕, 蛋香濃郁得似會食上癮一樣, 四個字:人間美食. 今晚18:40就完售, (點解愈來愈早??) 難怪剛才前面人人也要買三底…下次我識做啦!!