大家睇完我地既遊記, 都係時候睇下我地既手信喇 ~~
京阪神買既手信 ~
東京買既手信 ~
平時聽 d 朋友講, 去日本買野買到要買個喼返來, 當時二等兵心諗 : “係咪咁誇呀 !!!”
真係諗都唔好咁諗, 呢件事竟然發生响自己身上 … @@
不過見個喼都幾靚吖, 算啦 …… 豁出去 …..
呢個就係响京都買既櫻花電話繩 ~
店員好細心, 包好後將紅色電話繩的那一袋貼上紅色圓點貼紙, 示意有圓點貼紙就是紅色吖, 以免送俾人時會攪錯 !!! 讚 !!!
在京都買既飯盒袋 ~ 買果陣話會用, 但帶左成個月飯都未見用過 @@
買俾哥哥既手信 - 白兔牌暈浪丸 ~
買俾 Nicole 既手信, Fancl 維他命 B ~
其實呢個係响日本用左既浴鹽, 搭單影埋, hehe ~
响 am.pm 便利店買樽裝橙汁送既 One Piece 電話繩 ~
隊長响 Book-Off 買既松隆子精選 CD ~~
去到京都果日落雪, 發現帶唔夠衫, 於是買左對絲襪保暖 ~
响黑門市場見到平平地又買多對 ~
响 UNIQLO 見到 d legging 平平地又幾抵, 於是買左 3 條 ~ 最鍾意係斑馬紋果條 ~!!!
Last Day 响新宿街頭派既 sample ~ 香體露 & 洗頭水 ~
買俾媽媽既 Le Sportsac, 好鍾意 ~!!
响大阪 ダイコクドラッグ (橙色既藥房) 買左 4 盒面膜, 在大阪呢幾日裡天氣勁乾, 每晚都要急救, 未去東京都已經用左一盒喇 !!!
中間果塊係在心齋橋藥房門口派 ga ~!!! hehe ~
(溫馨提示 : 大阪既藥房平過東京, 如果各位團友兩個地方都會去, 記住護膚品類在大阪買左先喇 !!!)
無乜用既 “休足時間”, 又痴唔實, 又唔覺特別舒緩疲勞, 下次決定唔買 !!!
落妝油, 洗面 gel, 保濕乳液 & 防晒 ~
保濕乳液~
紅色的是保濕效果高 d, 藍色就正常 ~
下回 : 後記 - 手信篇 (食物類)
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
