今日行程 : 新宿 —> 築地 —> 銀座 —> 東京駅一番街 —> 新宿 (Hotel check-in) —> 秋葉原 —> 池袋 —> 原宿 —> 涉谷 (Dinner) —> Hotel 休息
終於黎到東京既行程喇 !!! 亦即係代表呢個 trip 已經過左一大半喇 !!!
玩到呢個時候其實好攰喇, 不過咁貴買左機票黎到, 幾攰到要繼續玩呀 !!!
經過一晚夜車後, 架巴士真係好準時响 7:10 am 到達新宿西口 (新宿セソタ一ビル) !!! 呢方面不得不佩服日本交通的 time control !! ![]()
落車後影返張相留念先 ~
車長先生見到我地兩條茂李响度影呀影, 影呀影, 臨開車仲同我地揮手講
tim, kakaka ~
落車後第一件事係要搵左間酒店放低 d 行李先 ~!!!
隊長心情好似好興奮咁, 佢話有返到 “家” 既感覺 wor, 又攞住部相機周圍影 !!!
呢幢係 "損保ジャパン本社ビル” ~~
呢楝大廈 (東京モード学園) 真係好靚, 但點解二等兵成日覺得佢似鳥巢既 ~
新宿西口既 小田急百貨 HALC 館 ~~
小田急百貨 同 京王百貨 ~~
雖然寄左 25 kg 物品返 HK, 但係個喼都仲好重呀 !!! 隊長成日話自己响 新宿 恰埋眼都識行, 好彩佢好熟路咋, 事前又响 Google Map 做定功課 我地唔使行冤枉路 ~~
東京モード学園 & 新宿エルタワー (右) ~~
新宿パレット ~~
UNO QLO (新宿西口店) ~~
新宿西口附近一帶, 呢度有好多金券店 ga !! 遠處就係 新宿 プリンスホテル (Prince Hotel) ~~
又係上年張廣告 ??
行左大約 10 mins 就見到間酒店 (西新宿 ホテル) 喇 !!!!
响呢條小路剷入去先 ~
向前行見到開滿櫻花既 柏木公園 咁就到喇 ~
沿著樓梯行上去就係喇 !!! 如果唔行樓梯, 可以响停車場搭 lift ga ~
最快要 14:00 pm 先可以 check in, 於是放低行李及梳洗後, 我地立即就向 築地 進發喇 !!!!
好肚餓呀 !!!!
酒店樓下既環境 ~ 夜晚都算幾幽靜 ga ~
經過郵局見到有 Winnie the Pooh 郵品 , 仲要係郵便局限定 ga !!! 即時影低張相俾 C 小姐 睇下先 ~ 留返俾佢 5月自己黎買 !!
套信封信紙都幾靚喎, 不過最靚都係個 Winnie the Pooh 郵票 ~
好喇, 响行去新宿西口駅搭 Metro 去築地既時侯 ~
二等兵 : ” 隊長 …. 我 ….
…”
隊長 : “咩事呢 ??”
二等兵 : “我 ….
… 我 ….
… 我 …..
… 漏低左張 “西瓜咭” (SUICA) 响 HK 呀 …… !!!”
隊長 : “
…….唔係下化”
二等兵實在太大頭蝦, 竟然唔記得帶張 SUICA 黎日本 ………… !!!!
好彩隊長無乜野咋, 佢話咁一齊買過另外一張啦 ~ 費事我地既餘額唔同, 於是我地又要俾多 500 yen 按金買過一張喇 !!!!!
行去 JR 新宿駅 先 ~~
新宿大ガ一ド西既十字路口 ~~
成日都會經過既 思い出橫丁~
呢度都有間 百果園 ga ~
スタジオアルタ (Studio ALTA) ~~
新宿通り 一帶 ~~
咁得意既, 有個咁巨型既棒球手 ~
買 SUICA 先 ~~
今次係二等兵自己買 ga ….. kaka, 終於唔使隊長出手 !!!
打埋自己個名上去先 ~
買完飛喇, GO…. GO…. GO…. !!!
又影下站 d 廣告先 ~
啱啱遇着返工時間, d 人多到 ……
好喇 …. 行返去 都営大江戸線 既新宿西口駅 ~~
坐去都厅前駅, 再轉大門方向到築地市場駅 ~~
去到築地市場駅, 一出閘即刻見到好多關於壽司店既廣告喇 !!! 睇到仲更加肚餓 tim !!!
国立がんセンター中央病院 ~~
接近 9:30 am 先黎到呢兩間 場內市場 既龍頭壽司店, 睇下門口已經有大一班人排緊隊喇 !!!
好彩我地都無諗住去呢兩間食啫 !!! 咁大班人排隊都唔關我地事 ~
於是响附近兜咗個圈 ~
見到 Winnie the Pooh 同 Hello Kitty 既產品 ~
行返去 場外市場 先 ~~
其實我地都有 target ga 喇 !!! 响隊長仲扮緊搵路既時候, 二等兵終於開口:
“隊長, 好肚餓喇, 食得未呢 ??”
隊長突然叮一聲 : “到喇 !!!”
すしざんまい 寿司 (本店) ~~
唔使等位就可以入坐喇 !!!
就係呢位師傅整俾我地食喇 !!!
睇見 d 美食仲更加肚餓 tim ~
你睇 d 刺身幾新鮮 ~
好厚吖 ….可唔可以成件黎呀 ?!
睇下條拖羅 ….. 好肥美呀 !!
不同部位既吞拿魚刺身 ~
我地首先叫左一 set まぐろづくし (稅込 1554 yen)
個 set 有 10 件不同部位既吞拿魚壽司及 1 件手卷外, 仲有一客沙律及一客麵豉湯 ~
個沙律好好味 ~
麵豉湯都好好味呀 !!!!
主角出場喇 !!!!
唔同款既吞拿魚壽司 ~
大拖羅梗係留返最尾先食啦 !!! 食左件吞拿魚蓉壽司先 ~~~
好新鮮呀 !!!
連件手卷都勁好味 !!!!
呢件係散叫既上穴子壽司 (稅込 420 yen 一件)
哈哈 …. 一家大細出晒黎 ~
可能因為鬆弛熊食得多野, 最大隻係佢, 突然好似變左 “老大” 咁 !!!
好好味呀 !!!!!
食得咁滿足, 唔好俾佢停喇 !!!
散叫既海膽壽司 (稅込 418 yen 一件) & 蟹膏壽司 (稅込 134 yen 一件)
睇下件海膽壽司, 漲滿 ga !!! 好 “先呼” 吖 !!!!!
仲有二等兵至愛既蟹膏壽司 !!!! 好正呀 !!!!!!
食到中途換左師傅, 都好, 可以試下唔同師傅既手勢 ~
實在太滿足喇, 於是叫多次大拖羅壽司 (稅込 418 yen 一件) 同蟹膏壽司 ~
件魚係大件過舊飯好多 !!!! 你睇 HK 果 d, 飯就大大件, 刺身就舖到同件飯差唔多 !!!!
依然係食極都食唔厭既蟹膏壽司 !!!
好多上穴子壽司放晒响度吖 !!!!!!
好滿足既一餐 !!!!! 呢個 trip 最好味既一餐壽司 !!! 絕對好食過上年到築地既果一間 (大和壽司) !!!!
所以我地覺得其實無必要幫襯最多人排隊既壽司舖 ~
既然食得咁開心, 我地唔好俾佢停喇 !!!
隊長又有新 target !!!
就係黎到 どんぶり築地南ばら亭 食親子丼 !!!!
啱啱先食完咁多壽司, 佢仲可以食得落一碗飯 =.=” !!!
呢度主打係食親子丼, 所以選擇唔多, 得呢幾款 ~
原來呢間食店攞過獎 ga !!! 响 TBS “王樣のブランチ” 選舉中佢既親子丼攞第 1 位 tim ~
好, 我地就試下係咪真係咁好食先 ~
隊長 order 咗 “南部地雞炙り親子丼” (限定 10 食) (1300 yen) ~~
set 裡除了飯外, 還有熱茶, 湯 & 漬物 ~
其實個飯又係好似滑蛋雞肉飯 ~ 個蛋汁真係幾滑, 但二等兵又覺得無乜特別喎, 不過隊長又係話好好味 ~ 梗係啦飯桶隊長食親飯就會嗌好味
~
由於兩個人先叫一個餐, 幸好當時除左我地之外都無人, 但都唔想霸住佢個位, 所以拿拿臨食完閃人 ~
盛惠 1300 yen ~~
食飽飽後又周圍行下先 ~
好吸引既鰻魚丼 ~
呢間 (うなぎはいばら 2 号店) 都係 target 之一, 但係太飽, 冇試 la ~~
突然見到前面間舖頭好多人圍住, 仲有人舉機拍攝 tim, 究竟發生咩事呢 ??
行埋去八下先 ~
哦, 原來係有師傅支解緊一條好大條既吞拿魚 ~
大多人喇, 攝唔到埋去, 睇左陣就撤退 lu ~
河豚 ~~
好喇, 我地係時候向銀座進發 !!!!!!
下回 : Day 7 Part 2
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
