今年生日, 隊長 plan 了同二等兵上廣州侵略一下 ~
點解會揀廣州 ?? 一來, 二等兵係半個廣州人, 因為媽媽既故鄉係廣州, 所以二等兵對廣州都算係有一個情意結, 二來, 去廣州平, 靚, 正, 又有好多美食, 於是我哋就揀廣州慶祝喇 ~
其實二等兵以前細細個果陣, 每隔 3 年就會回廣州探親, 但自從 10 歲開始已經無喇, n 年後既幾年前返過一次, 個感覺同細細個果陣真係有好大改變 !!
自從有咗直通車後都未去過廣州, 但在紅磡搭去廣州車費唔平丫, 每人 $190, 坐 1 hr 50 mins, 係就係快, 不過來回車票仲貴過間酒店房, 真係有 d 肉赤, 好彩多得 “小小" 教路, 佢話如果嫌貴既話, 可以選擇在深圳搭直通車, 果然真係平一截 !! 一等車廂都只係 RMB 90, 坐 1 hr 05 mins 就到喇 !! 就算計埋上深圳果程火車都抵丫 !! ![]()
所以我哋決定由香港 —> 深圳 (羅湖) —> 廣州 !!!
過左羅湖關後, 我哋即刻去火車站買飛先 ~
大陸真係大陸, 响網頁睇既同現場買飛係兩回事, 網上明明寫住有一班不停站, 直達廣州東站既列車, 但去到問職員就話 : “無0架, 架架火車都係站站停 !!” 咁都無所謂既, 都係 1 hr 05 mins 就可以到廣州, 我哋費事車廂裡有太多談話聲, 所以買咗一等飛, 都只係 RMB 90 ~
9:10 am 有車, 隊長 : “我哋 Go Go Go !!!” ![]()
搵啱月台, 上車 !!
呢架就係 “和諧號” 喇 ~ 架車好新, 都幾 OK 架 !!
要提一提既係, 我地買兩張票, 正常唔 full 既情況都應該係俾孖連位丫, 但阿票務小姐竟然俾前後位囉, 頭等車卡仲要係得幾個人咋, 阿姐, 你係得既 !! ![]()
仲有兩支來自西藏冰川既礦泉水送, Good ~ ![]()
鬆弛熊己經二話不說攤响度喇 !!! 真鬆弛 !!!![]()
1 hr 後………….
火車已經埋站喇 !!! 真係快 !!!
好喇, 各位團友, 我哋到達廣州東站啦 !!!
行去 “天河飄絹” 既時候, 見到 IKEA, 特登醒張相過 “小小" ~!! ![]()
我哋嚟到第一個景點 — “天河飄絹” 喇 !!
其實即係瀑布 ~ 現場睇都幾靚架 ~
瀑布對面有個大草地 ~
影完一輪相之後, 我哋坐了兩個站巴士 (122 号線), 嚟到 “時代廣場”, 因為酒店就响附近 ~
(請看下回 : 侵略廣州之酒店篇)
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
