昨日可能因為太攰既關係, 瞓得好舒服 !!! 今朝一起身, 我哋打算到酒店吃早餐, 果陣都只係 8:30 am 之嘛, 點知去到只有一個人坐响度, 週圍一 d 食物都冇, 我哋以為去錯層數啦, 點知確定原來真係無去錯 … 估計早餐係向侍應落 order 果種, 而唔係 buffet 果種, 我哋心諗, 睇怕 RMB 258 一晚包早餐, d 早餐都唔會好食得去邊, 於是我哋見唔對路就即刻掉頭走 ….. 出去搵嘢食算 !!
收拾好行李後, 我哋就响酒店 check-out 先, 再寄存行李响酒店後我哋就出發喇 !!! Go Go Go !!! ![]()
我哋响酒店附近搵吓食咩早餐先 ~ 行過見到 “真功夫”, 呢間舖頭成日都經過, 但就從來都未食過, 我哋睇下個 menu, 都 OK 喎, 於是就响度醫下肚先 ~ (又證實到間酒店係方便既, 哈哈哈 ~ ![]()
)
隊長呢份早餐有 : 瘦肉米粉 + 糯米雞 (RMB 11)
二等兵果份早餐有 : 瘦肉腸粉 + 凍豆漿 (RMB 8)
呢個瘦肉米粉真係睇佢唔出, 因為睇個樣嘛嘛哋, 但食落都幾好味, d 瘦肉好滑又有肉味 ~
本來二等兵好鍾意食糯米雞, 但係就覺得呢個有怪味, 可能係 d 汁既問題, 但隊長話好好味喎, 所以獨享 !!!
腸粉好滑, 响 HK 真係好難食到 D 咁滑既 “拉腸” !!
Total : RMB 19, 呢餐早餐真係抵 !!
响真功夫隔離, 見到一間老翻味千拉麵既舖頭, 連個公仔都老翻埋 …. @_@ ![]()
行去搭巴士 (6 号線) 既時候, 見到好出名既 “廣州體育學院” ~
另一面就係 “活力天地”, 成間舖都係賣體育用品既, 啱晒體育怪既隊長啦 !!!
影完一輪相之後, 我哋就出發到沙面喇 !!! 但點知中途遇上阻滯 ….@_@, 我哋坐咗 1 hr 巴士都仲未到沙面, 因為行到中途路面好塞車, 二等兵亦响巴士上瞓咗一輪都未到, 後來隊長聽到司機話改咗路, 睇睇地圖, 見到附近有另一個我哋想去既景點 — 陳家祠, 於是我哋就改變行程, 先到陳家祠先 !!!
陈家祠，又称陈氏书院。位于中国广州市中山七路，建于清朝光绪十六年至二十年间（1890 年 - 1894 年），是当时广东省七十二县陈姓宗亲合资兴建的合族宗祠。1988 年中华人民共和国国务院公布陈氏书院为第三批全国重点文物保护单位。1959 年被辟为广东民间工艺博物馆。
陈家祠是集岭南历代建筑艺术之大成的典型代表，包括前院、西院、东院及后院，占地 15,000 多平方米。陈家祠的建筑由深三进，广五间，大小 19 座建筑物组成，建筑中心是高达 20 余米的中进主殿＂聚贤堂＂。整个建筑根据中国古代建筑形式美的原则，把众多大小不同的建筑物巧妙地组合布局在平面方形的建筑空间里，前后左右，严谨对称，虚实相间，极富层次。长廊、青云巷使整个建筑四通八达，庭院园林点缀其中，形成各自独立而又相互联系的整体。在陈氏书院的建筑装饰中，广泛采用木雕、石雕、砖雕、陶塑、灰塑、壁画和铜铁铸等不同风格的工艺。雕刻技法既有简练粗放、又有精雕细琢，上下呼应、相得益彰。
呢度有好多雕像 ~
最攪笑既係, 大家見唔見到右手面果個雕像咪拎住隻碟既, 我哋見到有個細路擺咗支維他檸檬茶响個碟度 !!! ![]()
陈家祠在 2002 年被列入羊城八景，名为 “古祠留芳”。
目前，地铁一号线的陈家祠站位于陈家祠旁；祠前建有大型绿化广场。
想入去陳宅又係要俾錢 (RMB 10) !!! 其實二等兵都想入去的, 但係大家睇下陳宅搭晒棚維修 ….., 咩影相既興緻都無晒喇, 所以我哋決定唔入, 只係在門口影下相算喇 ~ !!
向前行有一個陳家祠廣場 ~
又有 d 園林氣息, 影相怪二等兵梗係唔會放過機會啦 !!!
好喇, 各位團友, 我哋係時候搭地鐵到沙面繼續侵略喇 !!
真功夫的網址 : http://www.zkungfu.com/
有關講述陳家祠的網址 : http://www.izy.cn/travel_guide/a4e/0_0_1573_1_0_0.html
(請看下回 : 侵略廣州之沙面)
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
