在白雲山逗留了 2.5 hrs 左右, 我哋就打算去下一個景點 — 北京路步行街 ~
天時暑熱, 行到大汗叠細汗咁, 嚟到巴士站附近, 見到响大陸好出名的 “黃振龍” 涼茶, 於是買咗杯酸梅湯 (RMB 3) 試下先 ~
夠冰涼解渴, 又唔會太甜, 酸酸哋, 正 !!
飲完涼茶後, 我哋就行返去巴士站向北京路步行街進發 !!! Go Go Go !!!![]()
因為隊長之前做足功課, 度過晒 d 行程, 所以好快就搵到呢架巴士 (24 号線), 可以直接坐到北京路步行街 !!! Good fit, 正 !! 隊長好野 !! ![]()
之但係响廣州坐 “公交” 真係好塞車, 我哋一坐坐左接近 1 hr, 响巴士午睡咗一輪終於到達 !!! 都好既, 因為實在太攰喇, 可以有機會瞓晏覺同埋休息下都係一件好事 ~ ^^
各位團友, 呢度就係 “北京路步行街” 喇 !! 各位團友可以自由活動~~!! 我哋 5:00 pm 响天字碼頭集合 !!
呢度好多人圍住, 究竟係乜東東呢 ?? ![]()
原來係 “宋/元/明” 時代既真實路面 !!! 古蹟嚟架 !!!
呢架可樂汽水車上既野飲好平, 但我哋想試第二 d 野飲, 所以無買到 ~
行行下見到 “越秀書院街” ~
再向前行, 見到有好多人圍住既台式飲品店 — “咕嚕咕嚕”, 個個都圍住呢間, 唔通真係咁好飲 ?? ![]()
為咗查清真相有幾好飲, 於是我哋買咗杯黎試下 ~
紅西柚雪葩 (普通) (RMB 9)
飲落似沙冰, 酸酸哋, 好醒胃, 加上天氣實在太熱, 所以覺得好正 !!!
值得一讚既係, 杯外套有一張硬咭紙, 咁樣拎住就唔會整到濕晒 !! 真係幾細心!! 點解 HK d 台式飲品舖唔學下人哋咁呢….?? ![]()
買完野飲我哋再响附近閒逛~ 附近的建築物都幾有古典情懷丫~
行到去 “潮流商場” 既時候…..隊長見到個 “潮” 字好似份外有親切感, 佢話佢呢 d 走在潮流尖端既人梗係要上去行下啦 !!! ![]()
原來….原來….隊長係開始肚餓 (the time now is 4:30 pm only….), 佢話頭先在鼎泰豐果餐唔夠飽 wor…….
唔知隊長係咪對西多士有情意結呢 ??….竟然嚟到廣州大家樂食下午茶餐 !!! ![]()
RMB 10 包飲品既下午茶餐, 隊長食得不知幾滋味 !!! 但佢話 d 糖漿無乜甜味 woo….
(請看下回 : 侵略廣州之珠江夜遊)
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
